თეიმურაზ ბოჭორიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1961 წელს.

იმავე წლიდან მუშაობდა საპროექტო ინსტიტუტებში "საქქალაქმშენსახპროექტსა" და "თბილქალაქპროექტში" არქიტექტორად (1964 წ.); 1970 წლიდან ჯგუფის ხელმძრვანელად; 1992 წლიდან ხელმძრვანელობდა მე-4 შემოქმედებით გაერთიანებას; პრაქტიკული პროფესიული საქმიანობის პარალელურად, საქართველოს ტექნიკური უნივერსიტეტის არქიტექტურის ფაკულტეტის პედაგოგი იყო; მისი ძირითადი ნამუშევრებია: ქალაქგეგმარება - გლდანის საცხოვრებელ მასივში, თემქის მე-8 მ/რაიონში, გლდანულას მ/რაიონში; მოცულობითი არქიტექტურა - გლდანის ხაზოვანი ცენტრის I, II, III, IV კომპლექსების პროექტები; საცხოვრებელი სახლები გაგარინის, ჩიქოვანის ქუჩებზე, ალ. ყაზბეგის გამზირზე; საზოგადოებრივი კომპლექსი მეტროსადგურ "ახმეტელის თეატრთან" და სხვა; მონაწილეობდა კონკურსებში: სადიპლომო ნამუშევრების დათვალიერება (II პრემია), "ახალგაზრდობის სასახლე" სტუდქალაქში (II პრემია), "კომპოზიტორთა შემოქმედებითი სახლი"  ბორჯომში (წამახალისებელი პრემია).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.97