ვახტანგ გეგეჭკორი

დაბადების ადგილი: სოფელი ნოჯიხევი, ხობის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს.

1963-1970წწ. მუშაობდა საქართველოს მშენებლობის სამინისტროს N6 სამშენებლო ტრესტის სამმართველოს ინჟინრად, მთავარ ინჟინრად; 1970-1972წწ. აფხაზეთის ტურიზმის საოლქო საბჭოს თავმჯდომარის მოადგილედ; 1972-1978წწ. აფხაზეთის კურორტებისა და ტურიზმის ობიექტების მშენებლობის გაერთიანებული დირექციის დირექტორად; 1978-1982წწ. სამშენებლო-სარემონტო სამმართველო "აფხაზკურორტრემმშენის" უფროსად; 1982-1997წწ. იყო სოხუმის მერიის მშენებლობის განყოფილების უფროსი; 1997 წლიდან სამშენებლო გაერთიანება "საქგვირაბმშენის" ბაზალეთის პროექტის მთავარი მენეჯერის მოადგილე; მისი მონაწილეობითა და ხელმძღვანელობით აშენდა ახალი ათონის მღვიმეების ტურისტული კომპლექსი, 500-ადგილიანი ტურისტული კომპლექსები სოხუმში, ოჩამჩირეში, გუდაუთასა და მიუსერაში; ტურისტული ბაზების საძინებელი კორპუსები ახალ ათონში, აგუძერასა და გუმისთაში, სპორტული ნაგებობა ბიჭვინთაში, კემპინგი გაგრაში, ტურისტულ-გამაჯანსაღებელი კომპლექსი ბაზალეთში და მრავალი სხვა. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.128

• აფხაზეთის დამსახურებული ინჟინერი