თამაზ ჯახუტაშვილი

დაბადების ადგილი: ქ. ბათუმი.

1954 წელს ბათუმში მშრომელთა სახალხო დეპუტატთა საქალაქო საბჭოს აღმასკომთან შეიქმნა სიმღერისა და ცეკვის თვითმოქმედი ანსამბლი, სადაც იგი მომღერლად მიიწვიეს. პარალელურად იგი ცეკვაშიც ვარჯიშობდა და თავისი შემოქმედებითი მომავალი ქორეოგრაფიულ ხელოვნებას დაუკავშირა. 1955 წელს მიიწვიეს აჭრის მ. კუხიანიძის სახელობის სიმღერისა და ცეკვის სახელმწიფო ანსამბლში მოცეკვავე მსახიობად; 1962-1963წწ. მუშაობდა საქართველოს ხალხური ცეკვის სახელმწიფო აკადემიურ ანსამბლში; 1964 წლიდან იყო ბათუმის მანქანათმშენებელი ქარხნის კლუბთან არსებული ქორეოგრაფიული ჯგუფის ხელმძღვანელი; 1974 წლიდან - აჭარის კოოპკავშირის სიმღერისა და ცეკვის სახელმწიფო ანსამბლის ქორეოგრაფიული ჯგუფის ხელმძღვანელი.

წყარო: ხელოვნების კალენდარი: თეატრი, მუსიკა, კინო.- თბ., 1995. -გვ.66

• 1977 - ქართული ხალხური ცეკვების ინდივიდუალურ შემსრულებელთა მეექვსე კონკურსი, პრიზიორი
• 1970 - ქართული ხალხური ცეკვების ინდივიდუალურ შემსრულებელთა მეხუთე კონკურსი, პრიზიორი
• 1967 - ქართული ხალხური ცეკვების ინდივიდუალურ შემსრულებელთა მესამე კონკურსი, პრიზიორი
• 1961 - აჭარის ავტონომიური რესპუბლიკის დამსახურებული არტისტი
• მშრომელთა მხატვრული თვითმოქმედების საკავშირო ფესტივალი, ლაურეატი