ანვერ გეწაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი არქიტექტურის სპეციალობით 1963 წელს.

1963-1965წწ. მუშაობდა ქ. პერმში, ქიმიური მრეწველობის საპროექტო ინსტიტუტში არქიტექტორად; 1965-1995წწ. საქართველოში დაბრუნების შემდეგ მუშაობა დაიწყო საპროექტო ინსტიტუტ "საქსახპროექტში" არქიტექტორად, შემდეგ ინსტიტუტის მთავარ არქიტექტორად; 1995-2003წწ. ხელმძღვანელობდა საქართველოს მშენებლობის სამინისტროს საპროექტო ბიუროს; 2003-2010წწ. ქ. თბილისის არქიტექტურის სამსახურის განყოფილებას; 2010 წლიდან იყო შპს "არქიტექტურა-2005"-ის არქიტექტორი; 1973-1976წწ. მივლინებული იყო ირანის ისლამურ რესპუბლიკაში; მისი მონაწილეობით თბილისში, რუსთავსა და ქუთაისში დაპროექტდა არაერთი სამრეწველო, ადმინისტრაციული და საცხოვრებელი შენობა-ნაგებობა; მოსკოვის, ლენინგრადის, რიგის, ტალინის, ტაშკენტის, ბაქოს, ერევნის კონფერენცია-სემინარების მონაწილე, სხვადასხვა არქიტექტურული კონკურსის გამარჯვებული.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.134

• საქართველოს არქიტექტორთა კავშირი, წევრი