მანანა გორდეზიანი

დაბადების ადგილი: ქ. ბაქო, აზერბაიჯანი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1962 წელს.

1962-1967წწ. იყო სასოფლო-სამეურნეო შენობებისა და ნაგებობების საკავშირო ს/კ ინსტიტუტის (ქ. ორიოლი, მოსკოვი) ასპირანტურა, მაცნიერ-თანამშრომელი; 1967-1976წწ. მუშაობდა საქართველოს სოფლის მეურნეობის სამინისტროს N1 სამშენებლო-სარემონტო ტრესტის მთავარი ინჟინრის მოადგილედ, ტრესტ "ორგტექსოფლმშენის" მმართველად; 1976-1999წწ. იყო ამავე სამინისტროს ტრესტ "საქაგროტექსოფლმშენის" (შემდეგ ტექნიკური ცენტრი და შპს "აგრომშენპროგრესი") მთავარი ინჟინერი, მმართველი; უშუალოდ ხელმძრვანელობდა სამინისტროს ობიექტების მშენებლობის საორგანიზაციო და სამშენებლო პროექტების განხორციელებას, სასოფლო მშენებლობაში პროგრესული ტექნოლოგიების დანერგვას, შრომის მეცნიერულ ორგანიზაციას, მშენებლობის ეკონომიკურ ანალიზს და სხვა. მიღებული აქვს საქართველოს მინისტრთა საბჭოს პრემია. ტექნიკის მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.161-162; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.294

• 1999 - ღირსების მედალი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი პირადი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის