ავთანდილ გოროზია

დაბადების ადგილი: სოფელი დიდი ჭყონი, მარტვილის რაიონი.

დაამთავრა საქართველოს პოლიტექნიკური ინსტიტუტი საავტომობილო გზების მშენებლობის სპეციალობით 1950 წელს.

1950-1976წწ. მუშაობდა სახელმწიფო საპროექტო ინსტიტუტ "სახავტოგზაპროექტში" (ყოფილი "სოიუზდორპროექტი") ინჟინრად, საგამოკვლევო პარტიისა და ექსპედიციის უფროსად, პროექტის მთავარ ინჟინრად, საგზაო განყოფილების უფროსად, "აგურა-ადლერის" საავტომობილო გზის პროექტის მთავარ ინჟინრად; 1976-1987წწ. იყო იმავე ინსტიტუტის მთავარი ინჟინერი და დირექტორის მოადგილე; მისი მონაწილეობით დაპროექტდა მრავალი საავტომობილო გზა და ავტომაგისტრალი ურთულეს ბუნებრის პირობებში: კავკასიაში, შუა აზიაში, პამირზე, ჰიმალაიზე, ჩრდილოეთ აფრიკასა და მადაგასკარში; მისი ხელმძღვანელობით დაპროექტდა "კუშკა-გურათ-ყანდაარის" 500 კმ-იანი საავტომობილო მაგისტრალი; 1975-1985წწ. ხელმძღვანელობდა შავიზღვისპირეთის საგზაო ქსელის განვითარების საპროექტო სამუშაოებს, რისთვისაც მიენიჭა სსრკ-ს სახელმწიფო პრემია; წლების განმავლობაში იყო საქართველოს ტექნიკურ უნივერსიტეტში საავტომობილო გზების პროფილით სახელმწიფო საგამოცდო კომისიის თავმჯდომარე; 1956-1987წწ. მივლინებული იყო ავღანეთში, "ჩარიკარ-ულანგ-დოშის", ჩრდილოეთ და სამხრეთ ავღანეთის შემაერთებელი 107 კმ. სალანგისა და "კუნდუზ-ფაიზაბადის" 200 კმ. საავტომობილო გზების პროექტების მთავარ ინჟინრად, საბჭოთა მკვლევარ-მაძიებელ სპეციალისტთა ჯგუფის ხელმძღვანელად; 1987-1988წწ. ქ. ქაბულის საგზაო დეპარტამენტის მთავარ ინჟინრად და საპროექტო ჯგუფის უფროსად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.162-163

• 1985 - სსრკ სახელმწიფო პრემია
• საპატიო მეგზევე
• საქართველოს დამსახურებული ინჟინერი