მზია ოქროპირიძე

დაამთავრა საქართველოს სასოფლო-სამეურნეო ინსტიტუტის სოფლის მეურნეობის პროდუქტთა გადამუშავების ფაკულტეტი ინჟინერ - ტექნოლოგის კვალიფიკაციით 1950 წელს.

1954 წელს მუშაობდა  თბილისის რძის კომბინატში დიეტური ცეხის ხელმძღვანელად; 1960-1962წწ. სსრკ მეცნიერებათა აკადემიის საქართველოს ფილიალის ქიმიის ინსტიტუტში (ამჟამად საქ. მეცნ. აკადემიის ფიზიკური და ორგანული ქიმიის ინსტიტუტი) ნავთობის ლაბორატორიაში უფროს ლაბორანტად; 1962-1984წწ. საქ. მეცნ. აკადემიის ფიზიკური და ორგანული ქიმიის ინსტიტუტის ნავთობის ლაბორატორიაში მეცნიერ თანამშრომლად; ჩართული იყო სამეცნიეო სამუშაოში, რომელიც შეისწავლიდა ახალი რაციონალური მეთოდების გამოყენებით რთული აღნაგობის  ინდივიდუალური არომატულ ნახშირწყალბადების და მათი გოგირდწარმოებულების (ნაფტალინის, ფენანტრენის, ანტრაცენის, პენტაცენის, ალკილ-არილ, ადამანტინ წარმოებულების, ბენზთიოფენის, დიბენზთიოფენის, ბენზნაფტოთიოფენის და ანტრაბენზთიოფენის გოგირდნაერთების) სინთეზს. არის 12 სამეცნიერო ნაშრომის ავტორი და არაერთი საერთაშორისო სამეცნიერო ფორუმის მონაწილე. იყო შრომის სოციალისტური შეჯიბრის გამარჯვებული. ინჟინერ - ტექნოლოგი.

• შრომის ვეტერანი