ლამარა თურმანიძე

დაბადების ადგილი: სოფელი საღვინეთი, ზესტაფონის რაიონი.

1938 წელს ჯერ ჩოხატაურის სახელმწიფო თეატრში, ხოლო 1950 წლიდან გარდაცვალებამდე ოზურგეთის ალ. წუწუნავას სახელობის სახელმწიფო თეატრის მსახიობია. თეატრში მოღვაწეობის თითქმის ნახევარი საუკუნის მანძილზე მან 150-მდე საპასუხისმგებლო როლი განასახიერა. ოზურგეთის სახელმწიფო თეატრში ლ. თურმანიძე იყო ლიდერი მსახიობი. მის მიერ შესრულებული როლებიდან აღსანიშნავია: ჯავარა (ვაჟა-ფშაველას "მოკვეთილი"), კრუჩინინა (ა. ოსტროვსკის "უდანაშაულო დამნაშავენი"),  ანა ანდრეევნა (ნ. გოგოლის  "რევიზორი"), ბებია ოლღა (ნ. დუმბაძის და გ. ლორთქიფანიძის "მე, ბებია, ილიკო და ილარიონი"), ფრაუ ალვინგი (ჰ. იბსენის "მოჩვენებანი"), ნინო, ციცინო (გრ. ბერძენიშვილის "დაჭრილი არწივი" და "ტირიფის ქვეშ"), მარია ტიუდორი (ვ. ჰუგოს "მარია ტიუდორი"),  მალანია  (მ. გორკის "ეგორ ბულიჩოვი და სხვები"), ქალიჯანი (ე. ნინოშვილის "ბარტახი"), ქალბატონი ფრანკი (კ. გუდრიჩისა და ლ. ჰაკეტის "ანა ფრანკის დღიური"), ქრისტინე (ა. წერეთლის "ქრისტინე"), დარო (ვ. შალიკაშვილის "უნიადაგონო"), ძიძია (ალ. ყაზბეგის "ხევისბერი გოჩა"), სონა (ა. ცაგარელის "ხანუმა"), ლირსა (პ. კაკაბაძის "ყვარყვარე თუთაბერი"), დიასახლისი (ვ. კატაევის "დასვენების დღე"), ირინე (დ. კლდიაშვილის "ირინეს ბედნიერება"), ქეთევანი (შ. დადიანის "ნინოშვილის გურია"), დედა (გ. ხუხაშვილის "აღმართი", ნ. დუმბაძის "საბრალდებო დასკვნა"), ფატი გურიელი (ალ. ჩხაიძის "შთამომავლობა"), მეცხოველეობის ფერმის გამგე (ა. აბდულინის "მეცამეტე თავჯდომარე"), მამიდა ნინო (გ. კეჭაღმაძისა და ვ. ჩიგოგიძის "ოქროს ნალი"), ე. ნინოშვილის "პარტახი" და სხვა.

წყარო: ხელოვნების კალენდარი : თეატრი, მუსიკა, კინო.-თბ., 1992.-გვ.5

• 1968 - საქართველოს სახალხო არტისტი
• 1960 - საქართველოს დამსახურებული არტისტი