მოსე დანიელაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1961 წელს.

1961 წლიდან მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენის" N1 რკინაბეტონის ნაკეთობათა ქარხანაში; 1962-1963წწ. საქართველოს კვების მრეწველობის სამინისტროს საპროექტო ინსტიტუტში ინჟინერ-კონსტრუქტორად; 1963-1998წწ. მუშაობდა საქართველოს მეცნიერებათა აკადემიის აკადემიკოს კ. ზავრიევის სახელობის სამშენებლო მექანიკისა და სეისმოლოგიის ინსტიტუტში; გამოქვეყნებული აქვს 60-მდე სამეცნიერო ნაშრომი რკინაბეტონის გარსების მზიდუნარიანობის გამოკვლევის, ოპტიმალური პარამეტრების შერჩევის, სეისმურ რაიონებში სივრცითი კონსტრუქციების გაანგარიშების, დაპროექტებისა და მშენებლობის საკითხებზე; 1971-1986წწ. ეწეოდა პედაგოგიურ მოღვაწეობას საქართველოს პოლიტექნიკური ინსტიტუტის რკინაბეტონის კონსტრუქციებისა და სამშენებლო კონსტრუქციების კათედრებზე უფროს მასწავლებლად, დოცენრად, პროფესორად; დიდი წვლილი აქვს შეტანილი რესპუბლიკაში და მის ფარგლებს გარეთ დაზიანებული შენობა-ნაგებობების შესწავლა-გამოკვლევის, სარემონტო-სარეკონსტრუქციო და საპროექტო-სამშენებლო სამუშაოების ჩატარების საქმეში; განსაკუთრებით აღსანიშნავია მისი მოღვაწეობა საქართველოში არსებული ებრაული მატერიალური ძეგლების, მათ შორის სალოცავების, საინჟინრო-ტექნიკური გამოკვლევისა და მათი საექსპლუატაციო პირობების აღდგენაში; ცხოვრობს ისრაელში, ქ. თელ-ავივში, მუშაობს სამეცნიერო-კვლევით ცენტრში და თანამშრომლობს საქართველოს ტექნიკურ უნივერსიტეტთან. დაიცვა საკანდიდატო დისერტაცია რკინაბეტონის გარსების გაანგარიშების თემაზე, ზღვრული წონასწორობის თერიის გამოყებით 1972 წელს.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.190

• მორდეხ მამისთვალიშვილი (მამისთვალოვი) : ცხოვრება და მოღვაწეობა (Author). - თბილისი, მეცნიერება, 1996. - 40გვ.
• ახალი მასალები მშენებლობაში (Co-Author). - თბილისი, 1964. - 10გვ.