გურამ დიდბარიძე

დაბადების ადგილი: ქ. ტყიბული.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1971 წელს.

1971-1974წწ. მუშაობდა რუსთავის ლითონკონსტრუქციების ქარხანაში, საქართველოს მშენებლობის სამინისტროს სამშენებლო გაერთიანება "თბილქალაქმშენის" N15 სამშენებლო ტრესტის N3 სამმართველოში ინჟინერ-კონსტრუქტორად, სამუშაოთა მწარმოებლად, ტექნიკური განყოფილების ინჟინრად; 1974-1982წწ. მუშაობდა კომკავშირულ და პარტიულ ორგანიზაციებში, თბილისის საქალაქო საბჭოს აღმასკომის საბინაო მეურნეობის სამმართველოს უფროსად; 1987-1991წწ. თბილისის 26 კომისრის რაისაბჭოს აღმასკომის თავმჯდომარედ; 1992-1994წწ. თბილისის საქალაქო საბჭოს აღმასკომის ქონების მართვის სამმართველოს უფროსად; 1994-1997წწ. იყო საქართველოს სახელმწიფო ქონების მართვის მინისტრის მოადგილე; 1997-2000წწ. საქართველოს სოფლის მეურნეობისა და სურსათის მინისტრის მოადგილე; 2000-2005წწ. საქართველოს გაზის საერთაშორისო კორპორაციის გენერალური დირექტორის პირველი მოადგილე; 2005 წლიდან არის სხვადასხვა ორგანიზაციის მრჩეველი; მონაწილეობდა გლდანის საცხოვრებელი მასივისა და ვარკეთილი-III-ის I-II მიკრორაიონების კომპლექსურ გაერთიანებაში, თბილისის საბინაო ფონდში ახალი საცხოვრებელი სახლების ხარისხის განსაზღვრაში, ექსპლუატაციაში მიღებასა და მის შემდგომ მოვლა-პატრონობაში, ხელმძღვანელობდა საქართველოს სამშენებლო კომპლექსის რეორგანიზაცია-აქციონერებას; არის შრომითი კოლექტივებისთვის სააქციო საზოგადოების საკონტროლო პაკეტის პირდაპირი მიყიდვის შესახებ კანონის ინიციატორი და ერთ-ერთი ავტორი; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.197-198