საბა მეტრეველი

დაამთავრა თბილისის სახელმწიფო უნივერსიტეტის ფილოლოგიის ფაკულტეტი ქართული ენისა და ლიტერატურის სპეციალობით 1994 წელს; 1990-1993წწ. სწავლობდა თბილისის სახწელმწიფო უნივერსიტეტის ხელოვნებისა და ჰუმანიტარულ პროფესიათა ფაკულტეტზე გერმანული ენის სპეციალობით; 1997 წელს დაამთავრა უნივერსიტეტის ასპირანტურა ძველი ქართული ლიტერატურის ისტორიის სპეციალობით.

 1994-2007წწ. მუშაობდა თბილისის 55-ე სკოლის ქართული ენისა და ლიტერატურის მასწავლებლად; 1994-1995წწ. - პეტრე იბერის რელიგიურ-ჰუმანიტარულ უნივერსიტეტში ლექტორად; 2005-2007წწ. - მცირე აკადემიის მიწვეულ პროფესორად; 2003-2006წწ. - თბილისის სახელმწიფო უნივერსიტეტის მეცნიერ-თანამშრომლად; 2009-2013წწ. - საქართველოს საპატრიარქოს წმინდა ანდრია პირველწოდებულის ქართული უნივერსიტეტის მოსამზადებელი ცენტრის მასწავლებელად; 1998 წლიდან მუშაობს შოთა რუსთაველის ქართული ლიტერატურის ინსტიტუტის მეცნიერ-თანამშრომლად; 2011 წელს მიწვეული იყო აგრარული უნივერსიტეტის პროფესორად ბაკალავრიატში; 2014 წლიდან მიიწვიეს საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტის პროფესორად დოქტორანტურაში. 2014 წლიდან საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტისა და 2023 წლიდან ქართულო-ამერიკული უნივერსიტეტის მოწვეული პროფესორი; 2021 წლიდან – საქართველოს მეცნიერებათა ეროვნული აკადემიის ქართული ენციკლოპედიის ენის, ლიტერატურისა და ხელოვნების რედაქციის წამყვანი სამეცნიერო რედაქტორი; 2023 წლიდან – ამავე რედაქციის გამგე. მისი სამეცნიერო ინტერესისა და კვლევის სფეროებია: ლიტერატურის ისტორია, კრიტიკა, ქართული დრამატული თეატრის ისტორია და ესთეტიკა. მის სახელთანაა დაკავშირებული გ. ჩოხელის დამკვიდრება ქართულ თეატრში, კერძოდ, მისი ინსცენირებით 2015 წლის 2 ოქტომბერს ს. ახმეტელის დრამატულ თეატრში გაიმართა პრემიერა სპექტაკლისა "ბედისწერის თეატრი" (გ. ჩოხელის მოთხრობების მიხედვით). სხვადასხვა დროს თანამშრომლობდა გაზეთ "თბილისსა" და "ქართულ უნივერსიტეტში", საზოგადოებრივ რადიოში FM 102.4, საპატრიარქოს რადიო "ივერიაში"; მისი სტატიები ხშირად იბეჭდება საინფორმაციო ინტერნეტპორტალებზე: "GHN", "TIIMER.GE" და "SPUTNIK - საქართველო". არის წიგნებისა და სამეცნიერო გამოკვლევების, 300-ზე მეტი ჟურნალისტური პუბლიკაციის ავტორი. ფილოლოგიის დოქტორი (2004), კრიტიკოსი.

საკანდიდატო დისერტაციის თემა - "მხატვრული სიტყვის ფუნქციისათვის ადრეულ ქართულ აგიოგრაფიაში", დაიცვა 1998 წელს.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• 2023 - საქართველოს მეცნიერებათა ეროვნული აკადემიის საპატიო სიგელი (იუნესკოს მიერ დაწესებულ მეცნიერების მსოფლიო დღესთან დაკავშირებით)
  ფილოლოგიის დარგში სამეცნიერო მიღწევებისთვის

• მამულიშვილი : ცხოვრება და ღვაწლი სერგეი მესხისა (ავტორი). - თბილისი, ნეკერი, 2025. - ISBN: 9789941526039
• გოდერძი ჩოხელის ბედისწერა = The Fate of Goderdzi Chokheli : ცხოვრება და შემოქმედება (ავტორი). - თბილისი, საგა, 2024. - 204გვ.. - ISBN: 9789941497704
• ქართული აგიოგრაფიის ენციკლოპედიური ლექსიკონი (IV-XVIII სს.) (ავტორი). - თბილისი, საქართველოს მეცნიერებათა ეროვნული აკადემიის სტამბა, 2023. - 344გვ.. - ISBN: 978-9941-8-5870-3
• ესთეტიკა საბჭოთა ტოტალიტარიზმისა - პროლეტარული რეალიზმიდან სოციალისტურ რეალიზმამდე (ავტორი) - (ავტორი). - თბილისი, საგა, 2022. - ISBN: 978-9941-49723-0
• ქართული სულიერი კულტურის პარადიგმები - აგიოგრაფია (ავტორი) - (ავტორი). - თბილისი, საგა, 2020. - 408გვ.. - ISBN: 978-9941-9722-1-8
• ანა კალანდაძე და პოლიტიკური პოსტმოდერნიზმი (ავტორი). - თბილისი, მწიგნობარი, 2018
• გამოლოცვანი (ავტორი). - თბილისი, მწიგნობარი, 2017. - 156გვ.. - ISBN: 9789941465956
• თამაშის ხელოვნება = The Profession of Playing (ავტორი). - თბილისი, ნეკერი, 2016. - 448გვ.. - ISBN: 9789941457500
• კომუნისტური აგიოგრაფია. წ. 1 (ავტორი). - თბილისი, მწიგნობარი, 2015. - 345გვ.. - ISBN: 9789941450662
• წმინდა ასურელ მამათა "წამება"-"ცხოვრებანი" (ავტორი). - თბილისი, ნეკერი, 2014. - 199გვ.. - ISBN: 9789941416613
• ტრაგიკული ტალანტი : მსახიობი ზინაიდა კვერენჩხილაძე (ავტორი). - თბილისი, ნეკერი, 2012. - 228გვ.. - ISBN: 9789941436529
• ილია და აკაკი : ლიტ. ნარკვევები (ავტორი). - თბილისი, ნეკერი, 2011. - 144გვ.. - ISBN: 9789941436246
• მსახიობის სიტყვათმეტყველება : ფილოლოგიური დაკვირვებანი (ავტორი). - თბილისი, ნეკერი, 2009. - 68გვ.
• ქართული აგიოგრაფიის (IV-X სს.) იკონოგრაფიული სახისმეტყველება (ავტორი). - თბილისი, ნეკერი, 2008. - 337გვ.. - ISBN: 9789941404047
• სავარჯიშოები ქართულ მართლწერაში (ავტორი). - თბილისი, ნეკერი, 2002. - 36გვ.. - ISBN: 9992858087
• აგიოგრაფიული სიტყვა და ლოგოსი (ავტორი). - თბილისი, ნეკერი, 2000. - 110გვ.. - ISBN: 9992858257