მარიამ ქებაძე

დაბადების ადგილი: ქ. ბრესტ-ლიტოვსკი.

სწავლობდა თბილისის 46-ე შრომის სკოლაში, პარალელურად კი - მ. პერნის საბალეტო სტუდიაში; 1939 წელს დაამთავრა გრიბოედოვის თეატრთან არსებული დრამატული სტუდია. 

1925-1927 წწ. და 1934-1937 წწ. მუშაობდა თბილისის ოპერის თეატრის საბალეტო დასში. მის მიერ შესრულებული როლებიდან აღსანიშნავია პოლია (მ. გორკის "მდაბიონი"), მარსელა, ლეონარდა, (ლოპე დე ვეგას "ძაღლი თივაზე", "ქალიშვილი დოქით"), ტანია, საშენკა, (ლ. ტოლსტოის "განათლების ნაყოფი", "ცოცხალი ლეში"),  შუროჩკა აზაროვა  (გლადკოვის "დიდი ხნის წინ"), დორინა (მოლიერის "ტარტიუფი"), დუსია (ა. არბუზოვის "ტანია"),  თეკლე (ი. ვაკელის "დიდი მოურავი"), ლენოჩკა (ი. ტურგენევის "აზნაურთა ბუდე"), დოლორესი (ლ. უკრაინკას "ქვის მბრძანებელი"), ინესა (კალდერონის "სიყვარულს არ ეხუმრებიან"), მარია ანტონოვნა (ნ. გოგოლის "რევიზორი"), ქეთო (შ. დადიანის  "ნაპერწკლიდან"), დეიდა საშიკო (ნ. დუმბაძის "ნუ გეშინია დედა"), კარზუხინა (ძმები ტურების "ერთადერთი მოწმე"), ბებია (ჟამიაკის "კაცი რომელიც იხდის საზღაურს"), ქალი (გ. ხარიუტნენკოს "გაცურვა დავიწყების მდინარეში") და სხვა.  გადაღებულია ფილმებში:  "ჯურღაის  ფარი", "გიორგი სააკაძე", "დავით გურამიშვილი",  "იცოცხლე გენაცვალე", "წინაპართა სახლი".

წყარო: ხელოვნების კალენდარი : თეატრი, მუსიკა, კინო.-თბ., 1992.-გვ.17-18

• 1954 - საქართველოს დამსახურებული არტისტი