ვახტანგ ვეკუა

დაბადების ადგილი: ქ. სოხუმი.

დაამთავრა სოხუმის ინდუსტრიული ტექნიკუმი 1960 წელს; მოსკოვის ვ. კუიბიშევის სახელობის სამშენებლო-საინჟინრო ინსტიტუტი 1966 წელს; ლენინგრადის სამხედრო-საინჟინრო აკადემიის უფროს მეთაურთა დახელოვნების კურსები 1981 წელს.

1967-1968წწ. მუშაობდა ჩიტასა და ულან-უდეში (იმიერბაიკალის სამხედრო ოლქი) სამუშაოთა მწარმოებლად, სამშენებლო უბნის უფროსად; 1968-1977წწ. სოხუმში სპეციალიზებულ სამშენებლო-სამონტაჟო უბნის უფროსად; 1977-1984წწ. სოჭში სამხედრო-სამშენებლო სამმართველოს უფროსად; 1984-1988წწ. მთავარი სამხედრო სამშენებლო სამმართველოს მთავარი ინჟინრის მოადგილედ და საწარმოო განყოფილების უფროსად; 1988-1990წწ. ხელმძღვანელობდა სოხუმის სამხედრო-სამშენებლო სამმართველოს; 2001 წლამდე იყო აფხაზეთის ავტონომიური რესპუბლიკის სამხედრო კომისარი; 2001-2002წწ. საქართველოს თავდაცვის სამინისტროს კადეტთა კორპუსის უფროსის მოადგილე სასწავლო და სამეცნიერო დარგში; 2002-2004წწ. მსოფლიო ბანკის პროექტის (საქართველოს უზენაესი სასამართლოს შენობის ფუძე-საძირკვლის გამაგრება, სააპელაციო სასამართლოს შენობის რეკონსტრუქცია) მენეჯერი; სს სამშენებლო კომპანია "თბილისის" გენერალური დირექტორის მოადგილე; ხელმძღვანელობდა სოხუმის სამხედრო სანატორიუმის მაღლივი კორპუსებისა და მათი ინფრასტრუქტურის, გუმისთისა და მიუსერას სამთავრობო დასასვენებელი კომპლექსების, სოხუმის "სვეტლანას" მიკრორაიონის, სამხედრო-ტურისტული ბაზა "კრასნაია პოლიანას", სატანკო ქარხნის ძრავტა გამოსაცდელი ლაბორატორიისა და სტენდის (არმავირში), თავდაცვის სამინისტროს შენობის (მოსკოვში, არბატზე - კურატორი) და გუდაუთა-მოზდოკის სამხედრო აეროდრომების მშენებლობას; უშუალოდ იყო ჩართული სიღნაღისა და ქუთაისის ისტორიული ცენტრების რეკონსტრუქცია-კეთილმოწყობაში, ბათუმის ინფრასტრუქტურის განვითარებასა და ბორის პაიჭაძის სახელობის ეროვნული სტადიონის (თბილისში) სარეკონსტრუქციო სამუშაოებში; დაჯილდოებულია სახელმწიფო ორდენებით და 11 მედლით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.226-227

• ვახტანგ გორგასლის III ხარისხის ორდენი
• ღირსების ორდენი