ბადრი თოდუა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ხიდებისა და გვირაბების მშენებლობის სპეციალობით 1960 წელს.

1960-1965წწ. მუშაობდა საქართველოს სახალხო მეურნეობის საბჭოს კაპიტალური მშენებლობის სამმართველოში უფროს ინჟინრად; 1965-1975წწ. საქართველოს სასოფლო მშენებლობის სამინისტროს აპარატში, ამავე სამინისტროს N1 სამშენებლო ტრესტის საწარმოო-ტექნოლოგიური კომპლექტაციის სამმართველოს მთავარ ინჟინრად, სამმართველოს უფროსად; 1975-1994წწ. ამავე ტრესტის მმართველის მოადგილედ; 1995 წლიდან სს სამშენებლო კომპანია "თბილისის" გენერალური დირექტორის მოადგილე იყო; მისი მონაწილეობითა და ხელმძღვანელობით, თბილისში, რუსთავში, მცხეთის, თიანეთის, თეთრიწყაროს, წალკის, მარნეულის, გარდაბნის რაიონებში აშენდა სასოფლო-სამეურნეო თუ სოციალური დანიშნულების ასობით ობიექტი: მეფრინველეობის ფაბრიკები, მეცხოველეობის კომპლექსები, საავადმყოფოები, ადმინისტრაციული შენობები, საკონსერვო ქარხნები, რკინაბეტონის ნაკეთობათა კომბინატები, სკოლები, საბავშვო ბაღები; მათ შორის არსანიშნავია კომკავშირული ქალაქი "ბორის ძნელაძე", თბილისის ლუდის ქარხანა "ყაზბეგი-კასტელი", საქართველოს საფეხბურთო ნაკრების საწვრთნელი ბაზა დიღომში, "თბილისი-ბათუმის" გაზსადენი, თბილისის "დინამოს" ფეხბურთელთა გუნდის ბაზა, ბ. პაიჭაძის სახელობის "დინამოს" სტადიონის (რეკონსტრუქცია-განახლება), ქობულეთის 80-მეგავატიანი თბოელექტროსადგური; მნიშვნელოვანი წვლილი აქვს შეტანილი სტიქიით დაზარალებული სომხეთისა და საქართველოს მაღალმთიანი რაიონების მოსახლეობისათვის ახალი დასახლებების მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.247