ემზარ თოფურია

დაბადების ადგილი: ქ. ფოთი.

დაამთავრა ფოთის ჰიდრომელიორაციული ტექნიკუმი 1954 წელს, საქართველოს პოლიტექნიკური ინსტიტუტის სამშენებლო ფაკულტეტი 1959 წელს.

 1962-1970წწ. ხელმძღვანელობდა საწარმოო-მომპოვებელ ტრესტ "საქტორფის" კაპიტალური მშენებლობისა და საწარმოო განყოფილებებს, ტრესტთან არსებულ სამშენებლო უბანს; 1970 წლიდან საქართველოს მშენებლობის სამინისტროს N4 სამშენებლო ტრესტის ფოთის სამშენებლო სამმართველოში სამუშაოთა მწარმოებლად, უბნის უფროსად, მთავარ ინჟინრად, სამმართველოს უფროსად; მონაწილეობდა ფოთის რძის ქარხნის, გემთმშენებელი ქარხნის რამდენიმე საამქროს, წისქვილქარხნის კომპლექსის, საგანმანათლებლო და ჯანდაცვის ობიექტების მშენებლობაში; ხელმძღვანელობდა მდინარე კაპარჭინაზე ერთ-ერთი რთული კონსტრუქციის ხიდის მშენებლობას.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.249

• ღირსების ორდენი