მანანა თალაკვაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი 1969 წელს და იმავე ინსტიტუტის ასპირანტურა.

1971-1973წწ. მუშაობს საქართველოს პოლიტექნიკური ინსტიტუტის ჯერ თვითმფრინავმშენებლობის, ხოლო შემდეგ კვების მრეწველობის მანქანებისა და აპარატების კათედრის ინჟინრად. 1970-1974წწ. მანქანათმშენებლობის ტექნოლოგიის კათედრის ასპირანტი, ხოლო 1972-1976წწ. საქართველოს რესპუბლიკის ახალგაზრდა მეცნიერთა საბჭოს სწავლული მდივანია. 1976-1980 წწ. მ. თალაკვაძე  მანქანათმეშენებლობის ტექნოლოგიის კათედრაზე ასისტენტად მუშაობს. 1980 წლიდან კი იმავე კათედრის დოცენტია. 1985-2005წწ. სტუ-ის მექანიკა-მანქანათმშენებლობის სასწავლო დარგში დეკანის მოადგილის მოვალეობას ასრულებს. გამოქვეყნებული აქვს  40-ზე მეტი სამეცნიერო ნაშრომი, მათ შორის 2 სახელმძღვანელო და 4 დამხმარე სახელმძღვანელო, ასევე 4 საავტორო მოწმობის მფლობელია. ინჟინერ-მექანიკოსი, მანქანათმშენებელი, ტექნიკურ მეცნიერებათა კანდიდატი (1976), პროფესორი.

წყარო: საქართველოს ინჟინერი ქალები.- თბილისი.-2008.- გვ.71-72

• სავარჯიშოებისა და ამოცანების კრებული მასალების ჭრით დამუშავებაში (თანაავტორი) // ნაწ. 1 : სახარატო და ღერძული დამუშავება. - თბილისი, სტუ, 2006. - 79გვ.. - ISBN: 99940-56-62-X
• ჭრის რეჟიმის გაანგარიშება (თანაავტორი). - თბილისი, სტუ, 1997. - 81გვ.
• დეტალების დამუშავების ტექნოლოგიური პროცესის შემუშავება და პროგრამების შედგენა ციფრობრივ-პროგრამული მართვის ჩარხებისათვის (თანაავტორი). - თბილისი, სტუ, 1984. - 128გვ.