გურამ კაკულია

დაბადების ადგილი: ქ. სოხუმი.

დაამთავრა ქ. მოსკოვის კუიბიშევის სახელობის საინჟინრო-სამშენებლო ინსტიტუტი სამრეწველო და სამოქალაქო მშენებლობის სპეციალობით 1972 წელს.

1972-1979წწ. მუშაობდა ტიუმენის ოლქის ქ. სურგუთში, თბოელექტროსადგურის მშენებლობაზე - სამუშაოთა მწარმოებლად, უბნის უფროსად, სამმართველოს მთავარ ინჟინრად; 1979-1986წწ. იყო საქართველოს მშენებლობის სამინისტროს ქ. სოხუმის სახლსაშენი კომბინატის მთავარი ინჟინერი; 1986-1992წწ. მუშაობდა საქართველოს სასოფლო მშენებლობის სამინისტროს ოჩამჩირის N7 სამშენებლო ტრესტის მთავარ ტექნოლოგად, მთავარ ინჟინრად, მმართველად; 1992 წლიდან საწარმოო გაერთიანება "აფხაზავტოგზის" უფროსი იყო; აქტიურად მონაწილეობდა აფხაზეთის სამოქალაქო და სამრეწველო, სასოფლო-სამეურნეო და საგზაო დანიშნულების ობიექტების მშენებლობაში. დაჯილდოებულია საბჭოთა კავშირის უმაღლესი საბჭოს პრეზიდიუმის საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.272

• მედალი "შრომითი წარჩინებისთვის"