თამარ მოსაშვილი

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1948 წელს.

1948-1959წწ. მუშაობდა ინჟინერ-მშენებლად სხვადასხვა სამშენებლო ორგანიზაციაში წამყვან თანამდებობებზე. 1959-1961წწ.  უფროს ინჟინერ-კონსტრუქტორი იყო  საპროექტო ინსტიტუტ  "საქკვებმრეწვპროექტში". ამ პერიოდში მისი მონაწილეობით კვების მრეწველობის არაერთი ობიექტი დაპროექტდა. შემდეგ წლებში მოღვაწეობდა საქსოფლმშენის სამინისტროს სისტემაში, კოდის მეფრინველეობის კომპლექსის  და საწარმოო-საყოფაცხოვრებო ობიექტების მშენებლობაზე სხვადასხვა წამყვან თანამდებობებზე. კაპიტალური მშენებლობის სამმართველოს უფროსის თანამდებობა ეკავა 1974-1977წწ. საქსოფლმშენის სამინისტროს აპარატში, ხოლო 1977-1981წწ. საქართველოს მელიორაციისა და წყალთა მეურნეობის სამინისტროში. 1986-1989წწ. პენსიაზე გასული (რესპუბლიკური მნიშვნელობის პერსონალური პენსიონერი) თ. მოსაშვილი მუშაობდა რესპუბლიკურ გაერთიანება "საქაგრომრეწვმშენის" დაქვემდებარებულ  "საქაგროორგტექმშენში" სხვადასხვა თანამდებობებზე. 1989-1990წწ. ის მონაწილეობას ღებულობდა სომხეთის რესპუბლიკაში, სპიტაკის მიწისძვრით მიყენებული ზარალის სალიკვიდაციო-აღდგენით სამუშაოებში. ინჟინერ-მშენებელი.

წყარო: საქართველოს ინჟინერი ქალები.- თბ.,2008.- გვ. 110-112

• შრომის ვეტერანი
• საქართველოს დამსახურებული ინჟინერი