გენრიხ კარსანიძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1953 წელს.

1953-1961წწ. მუშაობდა საპროექტო ინსტიტუტ "საქქალაქმშენსახპროექტში"; 1961-1975წწ. თბილისის ზონალურ ს/კ, ტიპური და ექსპერიმენტული პროექტირების ინსტიტუტ "თბილზნიიეპში"; 1975-1991წწ. ქ. თბილისის კეთილმოწყობის სამმართველოში არქიტექტორად, ჯგუფის ხელმძღვანელად, მთავარ არქიტექტორად; 1991 წლიდან ხელმძღვანელობს ინდივიდუალურ არქიტექტურულ სახელოსნო "კარსანს"; მისი ნამუშევრებია მსხვილპანელიანი რვასართულიანი საცხოვრებელი სახლები თბილისში, 400-ადგილიანი ტურისტული ბაზები ფასანაურსა და მახაჩკალაში, სკოლები, ინდივიდუალური საცხოვრებელი კოტეჯები, საბავშვო ბაგა-ბაღი (120 ბავშვზე, თბილისში, ერისთავის ქუჩაზე, შემდგომში - გაეროს წარმომადგენლობის შტაბ-ბინა), ტექნიკური დანიშნულების შენობა თბილისის აეროპორტის ტერიტორიაზე, სსრკ საგარეო საქმეთა სამინისტროს 180-ადგილიანი პანსიონატი ქ. სოჭში, სპორტულ ნაგებობათა ტიპური პროექტები, 400-ადგილინი სასტუმროები ქ. სოჭთან ახლოს და ქ. გელენჯიკში (პროექტები); დაჯილდოებულია სსრკ სახალხო მეურნეობის მიღწევათა გამოფენის ვერცხლისა და საკავშირო დათვალიერება-კონკურსის ბრინჯაოს მედლები, საბჭოთა კავშირის მშენებლობის საქმეთა სახელმწიფო კომიტეტის "სახმშენის" ხარისხის ნიშნით, მიღებული აქვს სხვადასხვა დარგობრივი პრემიები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.281