ვილენ კასრაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-კონსტრუქტორის კვალიფიკაციით 1960 წელს; დაუსწრებლად დაამთავრა ქ. მოსკოვის ლომონოსოვის სახ. სახელმწიფო უნივერსიტეტის აღმოსავლური ენების ფაკულტეტი, ინსტიტუტ "თბილზნიიეპში" მუშაობის პერიოდში. 

1960-1964წწ. მუშაობდა საპროექტო ინსტიტუტ "საქგიპროშახტში"; 1964-1998წწ. იყო თბილისის ზონალური ს/კ, ტიპური და ექსპერიმენტული პროექტირების ინსტიტუტის ("თბილზნიიეპი") უფროსი ინჟინერი, ჯგუფის ხელმძღვანელი, პროექტის მთავარი კონსტრუქტორი, განყოფილების მთავარი ინჟინერი, უფროსი, ინსტიტუტის მთავარი ინჟინრის მოადგილე, მთავარი ინჟინერი; 1998 წლიდან "თბილზნიიეპის" სამეცნიერო განყოფილების შენობა-ნაგებობების აღდგენა-გაძლიერების ლაბორატორიის ხელმძღვანელი; მის მიერ შესრულებული პროექტებიდან აღსანიშნავია: მსხვილპანელიანი 9-სართულიანი საცხოვრებელი სახლის ტიპური პროექტი, თბილისის აეროპორტის შენობა, მსხვილპანელიანი 14-სართულიანი საცხოვრებელი სახლის ტიპური სერია, 5 და 9-სართულიანი პანელური სახლების ტიპური სერია ქ. სოხუმისა და ქ. ბათუმისთვის და მრავალი სხვა; 1972-1975წწ. და 1985-1987წწ. მივლინებული იყო ირანსა და ავღანეთში ქ. თეირანის ქალაქმშენებლობის ჯგუფში და ქ. ქაბულის ცენტრალურ სახელმწიფო საპროექტო ინსტიტუტში ერთ-ერთ ხელმძღვანელ თანამდებობაზე; ავტორია 5 გამოქვეყნებული მეცნიერული ნაშრომის.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.281

• მოტობლოკები : გლეხური მეურნეობისათვის (რედაქტორი). - თბილისი, 1992. - 62გვ.