ვლადიმერ კიკნაძე

დაბადების ადგილი: ქ. ხაშური.

დაამთავრა ამიერკავკასიის სამიმოსვლო გზების ინჟინერთა ინსტიტუტის საავტომობილო გზების ფაკულტეტი 1936 წელს.

1936-1941წწ. ხელმძღვანელობდა საგზაო ორგანიზაციების ზემო სვანეთში, სოხუმსა და სენაკში; 1941-1943წწ. იბრძოდა საბჭოთა არმიის რიგებში; 1943-1979წწ. მუშაობდა ქ. გორში N28 საგზაო სამმართველოს უფროსად; წლების განმავლობაში ემსახურებოდა საქართველოში საავტომობილო გზების რეაბილიტაციისა და მოდერნიზაცია-ექსპლუატაციის საქმეს; მონაწილეობდა "ნატახტარი-გორი-ხაშური-ხევის" მონაკვეთის, "გორი-ახალგორი-ცხინვალის" ავტომაგისტრალის რეაბილიტაცია-განახლებაში, თაოსნობდა რიკოთის საავტომობილო გვირაბის მშენებლობის სამუშაოების დაწყებას; იყო საქართველოში საავტომობილო გზების მშენებლობის ერთ-ერთი პროფესიონალი ხელმძღვანელი; წლების განმავლობაში არაერთგზის იყო არჩეული ადგილობრივი საბჭოების დეპუტატად, გორის ქალაქკომის წევრად და სხვა; დაჯილდოებული იყო როგორც საბრძოლო ორდენებითა და მედლებით, ასევე საქართველოს უმაღლესი სახელმწიფო ჯილდოებით; არაერთგზის იყო აღიარებული "წლის საუკეთესო მეგზევედ"; მივლინებული იყო საზღვარგარეთის ქვეყნების საგზაო მშენებლობაში ნოვატორული და პროგრესული მეთოდების დანერგვის მიზნით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.304

• საქართველოს დამსახურებული ინჟინერი