ოსმან ხინკილაძე

ბათუმის საზღვაოსნო სასწავლებლის დასრულების შემდეგ (1960-1965) საქმიანობა ჯერ ოდესაში, შავი ზღვის სანაოსნოს ტანკერ -"Фридрих Энгельс"-ზე დაიწყო, მოგვიანებით კი ნოვოროსიისკის სამმართველოს ტანკერებზე "Майкоп"-სა და "Винница"- ზე განაგრძო. 1968 წელს ბათუმში ბრუნდება და უკვე გამოცდილი შორეული ნაოსნობის შტურმანი საქმიანობას საქართველოს საზღვაო სანაოსნოს გემებზე განაგრძობს. სხვადასხვა დროს ცურავდა ტანკერებზე - "Ахалцихе","Адигени", "Боржоми" და "Генерал Багратион"-ი. 1977 წელს მან ოდესის უმაღლესი საინჟინრო-საზღვაო სასწავლებელიც (ОВИМУ) დაამთავრა და მას მერე 2000 წლამდე სანაოსნოს არაერთი ტანკერისა და ბალკერის კაპიტნის მოვალეობას ასრულებდა. 1978 წლიდან, 18 წლის მანძილზე მეთაურობდა თბომავალ - "ХУДОЖНИК КАСИЯН"-ის (მხატვარი კასიანი) ეკიპაჟს და იყო ამ გემის შტატიანი კაპიტანი. 2000 წლიდან ნაპირს დაუბრუნდა და საქმიანობა საჯარო სამსახურში განაგრძო, თავდაპირველად საზღვაო ტრანსპორტის ადმინისტრაციაში ნაოსნობის უსაფრთხოების სახელმწიფო ინსპექციის ხელმძღვანელად, ხოლო 2007 წლიდან საზღვაო ტრანსპორტის სააგენტოში - კაპიტან-კოორდინატორად. გამოცდილი კაპიტანი აქტიურად ჩაერთო მომავალი ეროვნული საზღვაოსნო კადრების მომზადების საქმეშიც, იგი პედაგოგიურ მოღვაწეობას ეწევა საზღვაო სასწავლებლებსა და საწვრთნელ ცენტრებში, სადაც არაერთ პროფესიულ საგანმანათლებლო პროგრამას უძღვება და ხელმძღვანელობს. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com

• 2012 - ღირსების ორდენი
  საზღვაო სფეროში ხანგრძლივი და ნაყოფიერი მოღვაწეობისთვის