გიორგი ლორთქიფანიძე

დაბადების ადგილი: ქ. ბორჯომი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1965 წელს.

მუშაობდა სამშენებლო ტრესტ "საქჰიდროენერგომშენში", საქართველოს მშენებლობის სამინისტროს N2, N4 და N12 სამშენებლო ტრესტებში - მთავარ ინჟინრად, გორის სახლსამშენებლო კომბინატის უფროსად; 1980 წლიდან იყო სამშენებლო-სამონტაჟო საწარმოო გაერთიანება "თბილქალაქმშენის" უფროსის მოადგილე, ფირმა "თბილქალაქმშენის" ვიცე-პრეზიდენტი; 1993 წლიდან მუშაობს ქ. მოსკოვის სხვადასხვა საპროექტო ინსტიტუტებსა და სამშენებლო ორგანიზაციაში; მონაწილეობს ძირითადად ბინათმშენებლობის ობიექტების დაპროექტება-მშენებლობაში; დიდი წვლილი აქვს შეტანილი საცხოვრებელი და კულტურულ-საყოფაცხოვრებო ობიექტების მშენებლობაში საქართველოს რეგიონებში, თბილისის საცხოვრებელი მასივების განაშენიანება-კეთილმოწყობაში; მონაწილეობდა რუსეთის ფედერაციაში (ტიუმენის ოლქში), მიწისძვრისა (საჩხერის რაიონში) და ატომური სადგურის ავარიის შედეგად (ჩერნობილში) დაზარალებულთათვის სახლების მშენებლობაში და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.354-355