თენგიზ მაისურაძე

დაბადების ადგილი: ქ. ბოლნისი.

დაამთავრა საქართველოს პოლიტექნიკური ინსტიტუტი ინჟინერ-მექანიკოსის სპეციალობით 1968 წელს.

1971-1975წწ. მუშაობდა საქართველოს მშენებლობის სამინისტროს N13 სამშენებლო ტრესტის სპეციალიზებულ სამონტაჟო სამმართველოში სამუშაოთა მწარმოებლად, მთავარ ინჟინრად; 1975-1978წწ. ამავე სამინისტროს სამშენებლო გაერთიანება "მთავართბილმშენის" მიწისქვეშა და სპეციალიზებულ სამუშაოთა სამმართველოს უფროსის მოადგილედ; 1975-1985წწ. იყო საქართველოს სასოფლო მშენებლობის სამინისტროს N9 სამშენებლო ტრესტის მომარაგების სამმართველოს მთავარი ინჟინერი, უფროსი; 1985-1987წწ. მუშაობდა საქართველოს მშენებლობის სამინისტროს სამშენებლო ტრესტ "სპეცმშენის" N41 მოძრავ-მექანიზებული კოლონის მთავარ ინჟინრად; 1987-1991წწ. საქართველოს სასოფლო მშენებლობის სამინისტროს ტრესტ "სოფლსპეცმშენის" მმართველის მოადგილედ; 1990 წლიდან იყო შპს "ფლორას" დამფუძნებელი და დირექტორი; 2006 წლიდან ხელმძღვანელობს მის მიერ დაფუძნებულ შპს "თეგას". 2006 წელს მსოფლიო ორგანიზაციამ (Buziness Initiative Directions), პროდუქციის საუკეთესო ხარისხისათვის ფირმა "ფლორა" დააჯილდოვა ოქროს მედლით. 2000–2006წწ. იყო მაისურაძეთა საგვარეულო კავშირის გამგეობის თავმჯდომარე. 2003 წელს გახდა საქართველოს საგვარეულო კავშირის დამაარსებელი. 2018 წლიდან არის სრულიად საქართველოს გვარების წინამძღოლთა დარბაზის მრჩეველი. იგი დაჯილდოვებულია წინამძღოლთა დარბაზის "საპატიო დარბაისელი"-ს სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.363;  მაისურაძეთა გვარის მატიანე / ბადრი მაისურაძე. - თბილისი, 2023. გვ.162