
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

რევაზ მახვილაძე

Date of birth:	8 May, 1937 (87 years)
Category:	Engineer, Scientist, Educator

Biography

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1960 წელს; მოსკოვის საბინაო-კომუნალური მეურნეობის აკადემიის ასპირანტურა 1966 წელს.

შრომითი საქმიანობა დაიწყო საპროექტო ინსტიტუტ "საქშახტპროექტში" კონსტრუქტორად; მუშაობდა ტერიტორიულ საპროექტო ინსტიტუტ "საქსახპროექტში", მოსკოვის საბინაო-კომუნალური მეურნეობის აკადემიაში; 1971-1977წწ. ხელმძღვანელობდა ტერიტორიულ საპროექტო ინსტიტუტ "საქსახპროექტის" ტექნიკურდა 1977-1978წწ. საპროექტო ინსტიტუტ "საქმშენკომუნპროექტის" არქიტექტურულ-სამშენებლო განყოფილებას; 1978 წლიდან საქართველოს პოლიტექნიკური ინსტიტუტის (შემდგომში - ტექნიკური უნივერსიტეტის) სამშენებლო წარმოების ორგანიზაციის, ეკონომიკისა და მენეჯმენტის კათედრის დოცენტი, კათედრის გამგის მოადგილე (სამეცნიერო დარგში) და საერო ინსტიტუტ "გაენათის" პროფესორია; 1975-1991წწ. იყო საწარმოო გაერთიანება "საქაგრომრეწვისა" და საქართველოს მინისტრთა საბჭოსთან არსებული კაპმშენებლობის სამმართველოს მიწვეული ექსპერტი და საექსპერტო ჯგუფის ხელმძღვანელი; მონაწილეობდა კინოთეატრ "კოსმოსის" (თბილისში), მადნეულის სამთო-გამამდიდრებელი კომბინატის, ტყიბულისა და ტყვარჩელის სამთო-გამამდიდრებელი კომბინატების, რუსთავის მეტალურგიული ქარხნის (რეკონსტრუქცია), რუსთავის ლითონკონსტრუქციებისა და რკინაბეტონის ქარხნების, სახლსაშენი კომბინატების, საცხოვრებელი სახლების, სამრეწველო კვანძების, გამწმენდი ნაგებობების ("თბილისი-რუსთავის", "სოხუმი-ახალი ათონის", "ფოთი-ურეკის" და სხვა) დაპროექტებაში, მიწისძვრით დაზარალებული რეგიონების - ტაშკენტის (1967), კამჩატკის პეტროპავლოვსკის (1971), დმანისის (1977), საჩხერე-ჭიათურის (1990) აღდგენით სამუშაოებში; არის ტექნიკურ მეცნიერებათა კანდიდატი, 112 სამეცნიერო ნაშრომისა და სასწავლო-მეთოდური კრებულის ავტორი, აქვს 3 საავტორო მოწმობა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.386

Bibliography

რეკომენდაციები შენობებისა და ნაგებობების სახანძრო უსაფრთხოების შესახებ (Co-Author). - თბილისი, ტექნიკური უნ-ტის გამ-ბა, 2011. - 53გვ.
შენობა-ნაგებობათა შეფასების კრიტერიუმები და აუდიტი : სახელმძღვანელო (Author). - თბილისი, ტექნიკური უნ-ტის გამ-ბა, 2010. - 205გვ.
შენობა-ნაგებობათა ტექნოლოგიური გადაწყვეტა : სახელმძღვ. სამშენებლო ფაკ. მაგისტრანტებისათვის (Co-Author). - თბილისი, ტექნიკური უნ-ტის გამ-ბა, 2009. - 208გვ.