ნუგზარ მგელაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1965 წელს.

1965-1995წწ. მუშაობდა საქართველოს მშენებლობის სამინისტროს N3 სამშენებლო ტრესტ "თბილმრეწვმშენში" სამუშაოთა მწარმოებლად, N15 სამშენებლო ტრესტის სახლსაშენი კომბინატის მთავარ ინჟინრად, სპეციალიზებულ სამშენებლო სამმართველო "საქბამმშენში" უფროსის მოადგილედ; იყო იმავე სამინისტროს N13 სამშენებლო ტრესტის სამმართველოს უფროსი, N9 სამშენებლო ტრესტის მმართველი, სამშენებლო-სამრეწველო გაერთიანება "საქმონოლითმშენის" მთავარი ინჟინერი და უფროსი; 1996 წლიდან სს "მონოლითმშენის" პრეზიდენტია; ხელმძღვანელობდა საპროექტო ინსტიტუტ "საქკვებპროექტის", პროფკავშირების კულტურის სასახლის, ავეჯის სახლისა და სავაჭრო ცენტრების (თბილისში), "ნია-გრუზინსკაიას" დასახლების (ბაიკალ-ამურის სარკინიგზო მაგისტრალზე), კომპოზიტორების სახლის (ბორჯომში), საბაგირო გზების ქარხნის (ახალქალაქში), მონოლითური (თბილისში, ქუთაისში, ბათუმში) და მოცულობითი ბლოკებიანი (გარდაბანში) საცხოვრებელი სახლების, ექსპერიმენტული (მონოლითური) საბავშვო ბაღის (გლდანში) მშენებლობას; დაჯილდოებულია საუწყებო საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.388-389; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.268

• 1998 - ღირსების მედალი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის