შოთა მესხელი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ხიდების და გვირაბების მშენებლობის სპეციალობით 1960 წელს.

1960-1987წწ. მუშაობდა  N454 ხიდმშენ მატარებლის, შემდეგ კი N39 ხიდმშენ რაზმის მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად; 1975-1978წწ. არჩეული იყო ხიდების მშენებელთა პროფკავშირების კომიტეტის თავმჯდომარედ; 1977-1980წწ. მივლინებული იყო ავღანეთში ხიდების მშენებლობაზე; 1984-1987წწ. ლაოსში ხიდების მშენებლობაზე უბნის უფროსად; 1987-1996წწ. მუშაობდა N12 სამშენებლო ტრესტ "ხიდმშენის" მთავარ დისპეჩერად, ამავე ტრესტის სხვადასხვა სამმართველოში უფროსის მოადგილედ; 1996 წლიდან მუშაობდა სააქციო საზოგადოება "ხიდმშენის" N4 ფილიალში დირექტორის მოადგილედ, ხოლო 2000 წლიდან სააქციო საზოგადოება "ხიდმშენის" სამუშაოების ხარისხის განყოფილების უფროსად; მისი მონაწილეობით აშენდა: საქართველოს სახალხო მეურნეობის მიღწევათა გამოფენის მთავარი კორპუსის თაღოვანი ფასადი, სახიდე გადასასვლელები კრასნოდარის მხარეში, "მარაბდა-ახალქალაქის" რკინიგზის ხაზზე, საავტომობილო ხიდი (90 მეტრის სიგრძით) ქ. სევანში (სომხეთი), რკინიგზის ხიდები სადგურ წიფაში, "ზესტაფონი-ხაშურის" მონაკვეთზე, მეორე სალიანდაგო ხაზის მშენებლობასთან დაკავშირებით; საავტომობილო ხიდი ქ. თბილისში მდ. მტკვარზე (ორთაჭალაში), ექსპერიმენტული საავტომობილო ხიდი (მალის ნაშენით 41+81+41 მეტრის სიგრძით) მდ. მტკვარზე, ვახუშტი ბაგრატიონის ქუჩაზე ქ. თბილისში, შვიდი საშუალო სიგრძის საავტომობილო ხიდი 300 მეტრის საერთო სიგრძით ავღანეთში და ხიდი 240 მეტრის სიგრძით ლაოსში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.399-400; საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 195

• საქართველოს მეგზევეთა ასოციაცია, წევრი

• საპატიო ნიშნის მედალი
• საქართველოს დამსახურებული ინჟინერი
• საპატიო მეგზევე