ვაჟა მიქაბერიძე

დაბადების ადგილი: ქ. ბორჯომი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1957 წელს.

1957-1959წწ. მუშაობდა უკრაინაში, სამშენებლო უბნისა და სამონტაჟო სამმართველოს უფროსად; 1959-1961წწ. თბილისის საქალაქო საბჭოს აღმასკომის გაზმომარაგების გაერთიანება "თბილგაზის" მთავარ სპეციალისტად; 1983-1986წწ. იყო რესპუბლიკური გაერთიანება "არქდიზაინის" პრეზიდენტი; 1992-2001წწ. საქართველოს სპორტისა და ტურიზმის მინისტრის მოადგილე, საქართველოს კულტურის მინისტრის მოადგილე; ხელმძღვანელობდა არაერთი მნიშვნელოვანი საკავშირო ობიექტის: სასტუმროების - "მეტროპოლის", "ბერლინის" პირველი და მეორე კორპუსების (მოსკოვში), "ლენინგრადის" (მოჟაისკში), "ინტურისტის" სასტუმროების მოდერნიზაციასა და რეკონსტრუქცია-რესტავრაციას კიევში, ოდესაში, ლვოვში, ბაქოში, ერევანში, კიშინიოვში, ალმა-ათასა და ბალნტიისპირეთის რესპუბლიკებში; მონაწილეობდა საქართველოსა და მისი ავტონომიური რესპუბლიკის მნიშვნელოვანი ობიექტების, შოთა რუსთაველის სახელობის დრამატული თეატრისა და სასტუმრო "თბილისის" რესტავრაცია-რეკონსტრუქციაში; არის საკავშირო გაერთიანება "ინტურისტის" დამსახურებული მუშაკი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.417-418

• საქართველოს არქიტექტორთა კავშირი, საპატიო წევრი

• საქართველოს არქიტექტორთა კავშირის პრემია
• საქართველოს დამსახურებული ინჟინერი