პავლე მიქაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1960 წელს.

1960-1967წწ. საპროექტო ინსტიტუტ "საქსახპროექტის" ინჟინერი, უფროსი ინჟინერი და ჯგუფის ხელმძღვანელი იყო; 1966-1967წწ. მივლინებული იყო ქ. ტაშკენტში სახელმწიფო საპროექტო ინსტიტუტ "ტაშგიპროგორში" პროექტის მთავარ ინჟინრად; 1967-1980წწ. მუშაობდა საპროექტო ინსტიტუტ "საქქალაქმშენპროექტის" ჯერ არქიტექტურული სახელოსნოს მთავარ კონსტრუქტორად, შემდგომ კი ტექნიკური განყოფილების უფროსად და ინსტიტუტის მთავარი ინჟინრის მოადგილედ; 1980 წელს გადაიყვანეს საქართველოს სახალხო კონტროლის კომიტეტში მშენებლობის, მშენინდუსტრიისა და კომუნალური მეურნეობის განყოფილების გამგედ; 1987-1992წწ. იყო საქართველოს მინისტრთა საბჭოს მშენებლობის განყოფილების გამგე; 1993 წელს დაინიშნა საქართველოს ტურიზმისა და კურორტების სახელმწიფო დეპარტამენტის საერთაშორისო ურთიერთობებისა და ინვესტიციების სამმართველოს უფროსად; მისი ხელმძღვანელობით და მონაწილეობით დაპროექტებულ იქნა არაერთი მნიშვნელოვანი ობიექტი, მათ შორის: ქ. ტაშკენტის ცენტრალური ნაწილის კომპლექსი, ვიშნევსკის სახელობის ქირურგიული კლინიკა მოსკოვში, ქ. ულიანოვსკის "ხალხთა მეგობრობის პარკი" საქართველოს პავილიონი; ხელოვნური ალმასების ქარხანა ქ. ერევანში; სკოლა და საბავშვო ბაღი ქ. მახაჩკალაში, დასასვენებელი სახლი "მზიური", სამეცნიერო ტექნიკური ბიბლიოთეკა ქ. თბილისში; ბორჯომის ადმინისტრაციული სახლი, სამგზავრო საბაგირო გზების სადგურები და სტადიონი ჭიათურაში; ქუთაისის, გორისა და რუსთავის განაშენიანება; მეტალურგიული კომბინატის დასასვენებელი კომპლექსიიალღუჯას მთაზე; ეთნოგრაფიული მუზეუმი თბილისში, კულტურის სახლი და რაიონული კავშირგაბმულობის ცენტრი მესტიაში; თბილისის "დინამოს" ფეხბურთელთა ბაზა დიღომში; ტურისტული ბაზები ლაგოდეხსა და ვარძიაში; მიღებული აქვს სახელმწიფო ჯილდოები, სსრკ მინისტრთა საბჭოს სახელმწიფო პრემია.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.421-422