იური მოდებაძე

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სატრანსპორტო ფაკულტეტი 1949 წელს.

1977-1990წწ. მუშაობდა საპროექტო-კვლევით ინსტიტუტ "თბილსახავტოგზაპროექტში"; გაიარა თითქმის ყველა სამსახურებრივი საფეხური ინჟინრობიდან ინსტიტუტის დირექტორობამდე; 1963-1972წწ. რამდენჯერმე იყო მივლინებული ავღანეთსა და მადაგასკარში საგზაო მშენებლობისათვის ტექნიკური დახმარების გასაწევად, ინჟინერთა ჯგუფის ხელმძღვანელად; ხელმძღვანელობდა ავღანეთის ჩრდილოეთ და სამხრეთ პროვინციების დამაკავშირებელი მაღალმთიანი ავტოსტრადის ("სალანგი") მშენებლობას; ასევე, საქართველოში, აზერბაიჯანში, ყაზახეთში, ყირგიზეთში, უზბეკეთში, თურქმენეთში, ჩრდილოეთ კავკასიასა და რუსეთის მთელ რეგიონებში საპროექტო ინსტიტუტის მიერ შემუშავებული პროექტების შესაბამისად საავტომობილო გზებისა და ნაგებობების მშენებლობა-რეკონსტრუქციას; იყო საქართველოს დამოუკიდებელი სატრანსპორტო-სამშენებლო კორპორაცია "კავკასიონის" დამფუძნებელი და საბჭოს წევრი; მიღებული ჰქონდა საქართველოს სახელმწიფო ჯილდოები, მათ შორის ავღანეთის უმაღლესი სახელმწიფო ორდენი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.425

• საპატიო მეგზევე
• შრომის ვეტერანი
• საქართველოს დამსახურებული ინჟინერი