ვლადიმერ მოსტკოვი

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტი მიმოსვლის გზათა, ხიდებისა და გვირაბების მშენებლობის სპეციალობით 1947 წელს.

1947-1949წწ. მუშაობდა ლენინგრადის მეტროპოლიტენის მშენებლობაზე ცვლის ინჟინრად; 1950-1964წწ. სსრკ ენერგეტიკისა და ელექტრიფიკაციის სამინისტროს სხვადასხვა სამეცნიერო-კვლევით ინსტიტუტებში უმცროს მეცნიერ-თანამშრომლად, ლაბორატორიის გამგედ; 1965-1973წწ. იყო საკავშირო საპროექტო ინსტიტუტ "ორგენერგომშენის" პროექტის მთავარი ინჟინერი და განყოფილების გამგე; 1978 წლიდან იყო საქართველოს პოლიტექნიკური ინსტიტუტის სამშენებლო ფაკულტეტის ჰიდრონაგებობათა კათედრის პროფესორი; ტექნიკურ მეცნიერებათა კანდიდატი (1951); ტექნიკის მეცნიერებათა დოქტორი (1969).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.428-429