
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ირინა სხირტლაძე

Other name:	ირკა (Pseudonym)
Date of birth:	7 April, 1928
Date of death:	14 September, 1944 (at 16 years)
Burial location:	ვარშავის პოვონზკის სამხედრო სასაფლაო, პოლონეთი
Category:	Humanitarian

Biography

დაბადების ადგილი: ქ. ლვოვი (მაშინდელი პოლონეთის მეორე რესპუბლიკა 1919–1939), უკრაინა.

ყოფილი ქართველი იუნკრის, 1940 წელს კატინის ტყეში დახვრეტილი პოლონეთის არმიის საკონტრაქტო ოფიცრის, კაპიტან არკადი სხირტლაძისა და პოლონელი იანინა კიჩინსკა-სხირტლაძის უფროსი ქალიშვილი. 1943 წლის ბოლოს ირინა დედასთან და უმცროს დასთან ერთად ვარშავაში გადავიდა. გერმანელთა მიერ ოკუპირებულ ვარშავაში ირინა ქართული ენის უკეთ შესასწავლად ქართველ ქალთან დადიოდა. ქართველი ოფიცრის ქალიშვილი არ იყო ვალდებული, მონაწილეობა მიეღო ვარშავის აჯანყებაში. მიუხედავად ამისა, იგი აქტიურად ჩაება ანტიფაშისტურ მოძრაობაში. 1944 წლის აგვისტოში, ვარშავის აჯანყების დაწყების პირველივე დღეებში, ირინა სხირტლაძე ფსევდონიმით "ირკა" პოლონეთის წინააღმდეგობის არმიაში მოხალისედ ჩაეწერა და პარასოლის ბატალიონის მეკავშირე და სანიტარი იყო. ბატალიონთან ერთად ირინამ ბრძოლის მთელი გზა განვლო ვარშავის ვოლას უბნიდან ძველი ქალაქის გავლით ცენტრამდე და ჩერნიაკოვამდე. 1944 წლის 14 სექტემბერს იგი ლუდნას ქუჩაზე გერმანელთა ტყვიამ იმსხვერპლა, როდესაც ის ცდილობდა, მძიმედ დაჭრილი ბატალიონის უფროსისთვის დახმარება აღმოეჩინა. 1944 წლის 12-14 სექტემბერს სწორედ ვარშავის ამ უბანში მიმდინარეობდა გააფთრებული შეტაკებები აჯანყებულებსა და გერმანელებს შორის. ბრძოლის ველზე გამოჩენილი სიმამაცისათვის ირინა სხირტლაძე დაჯილდოებულია მედლით "მამაცთა ჯვარი", რომელიც 1920 წელს დააწესა პოლონეთის დაცვის საბჭომ. ირინა სხირტლაძეს მიუძღვნა თავისი ცნობილი ლექსი "ირინოლა" პოეტმა ჯანსუღ ჩარკვიანმა.

Awards and Honors

პოლონეთის დაცვის საბჭოს მედალი "მამაცთა ჯვარი"
ბრძოლის ველზე გამოჩენილი სიმამაცისათვის