რამაზ ნებიერიძე

დაბადების ადგილი: ქ. ბაღდათი.

დაამთავრა საქართველოს პოლიტექნიკური ინსტიტუტის გეოლოგიური ფაკულტეტი, ჰიდროგეოლოგიისა და საინჟინრო გეოლოგიის სპეციალობით და მიენიჭა სამთო ინჟინერ-ჰიდროლოგის კვალიფიკაცია 1977 წელს.

1977 წელს დაიწყო შრომითი საქმიანოიბა საპროექტო ინსტიტუტ "თბილსახავტოგაზპროექტში"; 2000 წლიდან მუშაობდა საპროექტო საკვლევაძიებო ინსტიტუტში "ტრანსპროექტი" საინჟინრო-გეოლოგიური განყოფილების უფორსის თანამდებობაზე; მისი უშუალო მონაწილეობით ჩატარებული საინჟინრო-გეოლოგიური კვლევაძიების გამოყენებით დაპროექტებულია მრავალი საავტომობილო გზის გარკვეული მონაკვეთები საქართველოში: "სამტრედია-გრიგოლეთის" 52 კმ ავტომაგისტრალი; "ზესტაფონი-ქუთაიოსი-სამტრედიის" მონაკვეთის 58 კმ ავტომაგისტრალი; "თბილისი-რუსთავის" მაგისტრალური გზის მშენებლობა, "თბილისი-სენაკი-ლესელიძის" მაგისტრალური გზის 27-43 კმ მონაკვეთის რეკონსტრუქცია-მოდერნიზაციის სამუშაოები, ქობულეთის შემოვლითი გზისა და "ჩაქვი-მახინჯაურის" მონაკვეთის მშენებლობა, "სენაკი-ფოთი-სარფის" მაგისტრალური გზის 89-96 კმ მახინჯაურის მონაკვეთისა და გვირაბების მშენებლობა, "ვაზიანი-გომბორი-თელავის" საავტომობილო გზის 1-66 კმ სამშენებლო და სარეაბილიტაციო სამუშაოები და სხვა; დიდი წვლილი აქვს შეტანილი საპროექტო ინსტიტუტ "ტრანსპროექტში" საავტომობილო გზების პროექტირებისას საინჟინრო-გეოლოგიური კვლევაძიების საქმის განვითარებაში; წარმატებული შრომითი საქმიანობისათვის მიღებული აქვს საუწყებო საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.457