ტრისტან მახაური

დაბადების ადგილი: სოფელი გომეწარი, მაღაროსკარის თემი, დუშეთის მუნიციპალიტეტი.

1978-1984 წლებში სწავლობდა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტზე.

პირველი ნაშრომი, "მესტვირეობის ტრადიცია ფშავში" გამოაქვეყნა 1981 წელს ჟურნალ "ცისკრის" მე-4 ნომერში. გამოქვეყნებული აქვს ფოლკლორულ-ეთნოგრაფიული და ლიტერატურულ-კრიტიკული ხასიათის წერილები, რეცენზიები, ნარკვევები, საკუთარი ლექსები, თარგმანები. იყო საქართველოს მეცნიერებათა აკადემიის ივანე ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის არქეოლოგიური კვლევის ცენტრის ლაბორანტი (1977-1978), ფოლკლორისტიკის კათედრის ლაბორანტი (1985-2003), ფოლკლორისტიკის კათედრის უფროსი მასწავლებელი (2003-2206), ასოცირებული პროფესორი (2006-2009), მოწვეული პედაგოგი (2009-2012), 2012-2017 თსუ-ს ჰუმანიტარულ მეცნიერებათა ფაკულტეტის ასოცირებული პროფესორი (2012-2017). მონაწილეობდა სამეცნიერო გრანტებსა და პროგრამებში: "ქართულ-ჩრდილოკავკასიური ფოლკლორული ურთიერთობები: XIX-XX საუკუნის წყაროები და თანამედროვე ნარატივები" (დამფინანსებელი რუსთაველის ფონდი, 2014-2017), "აღმოსავლეთ საქართველოს მთიანეთის საკულტო ტექსტები" (დამფინანსებელი რუსთაველის ფონდი, 2009). ფილოლოგიის მეცნიერებათა დოქტორი, პროფესორი.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 216

• ფოლკლორულ-ეთნოგრაფიული ნარკვევები (ავტორი) // ნაწ. 3. - თბილისი, უნივერსალი, 2011. - 316გვ.
• ლიტერატურული ნარკვევები (ავტორი). - თბილისი, უნივერსალი, 2008. - 142გვ.
• ფოლკლორულ-ეთნოგრაფიული ნარკვევები (ავტორი) // წ. 2. - თბილისი, უნივერსალი, 2008. - 172გვ.
• ფოლკლორულ-ეთნოგრაფიული ნარკვევები (ავტორი). - თბილისი, ამარანტები, 2005. - 169გვ.