ევგენი ჟუკოვსკი

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1948 წელს.

1933-1935წწ. და 1941-1945წწ. მსახურობდა საბჭოთა არმიის რიგებში; 1945 წლიდან იყო საპროექტო ინსტიტუტ "თბილქალაქსახპროექტის" უფროსი არქიტექტორი, ჯგუფის ხელმძღვანელი, VII არქიტექტურული სახელოსნოს უფროსის მოადგილე, პროექტის მთავარი არქიტექტორი; მისი ძირითადი ნამუშევრებია: საზაფხულო კინოთეატრები (ვერისა და კომუნარების პარკებში), საცხოვრებელი სახლები თბილისის სხვადასხვა უბნებში - საქართველოს შინაგან საქმეთა სამინისტროს, სატყეო მეურნეობის მთავარი სამმართველოს, ადგილმრეწველობის, "დინამოს" რესპუბლიკური საბჭოს თანამშრომლებისათვის, საქართველოს მინისტრთა საბჭოს აგარაკი წყნეთში, N1 ინტერნატი (300 ბავშვზე) წერეთლის პროსპექტზე, 60-ადგილიანი ბავშვთა საავადმყოფო ნაძალადევის რაიონში, მოზარდ მაყურებელთა რუსული თეატრი 600 ადგილზე (რეკონსტრუქცია), თოჯინების თეატრი 150 ადგილზე; არის სხვადასხვა კონკურსების მონაწილე.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.487

• საქართველოს არქიტექტორთა კავშირი, წევრი

• შრომის ვეტერანი