მარინე დგებუაძე

დაბადების ადგილი: ქ. თბილისი.

დაამთავრა საქართველოს პოლიტექნიკური უნივერსიტეტის გეოლოგიის ფაკულტეტი 1987 წელს; ვ. სარაჯიშვილის სახელობის სახელმწიფო კონსერვატორიის საზოგადოებრივ პროფესიათა ფაკულტეტი 1990 წელს; თბილისის სახელმწიფო თეატრალური ინსტიტუტის კინოთმცოდნეობის ფაკულტეტი 1995 წელს; 2007-2008 წწ. ქ. თბილისის საბანკო-საფინანსო ინსტიტუტი რეკვალიფიკაციის ფაკულტეტის სრული კურსი, იურისპრუდენციის სპეციალობა, იურისტის კვალიფიკაცია; 2018-2021 წწ. საქართველოს ტექნიკური უნივერსიტეტი, ბიზნესტექნოლოგიების ფაკულტეტი, საჯარო მმართველობის პროგრამის დოქტორი.

1988-1992წწ. იყო ამიერკავკასიის რკინიგზის სამმართველოს ინჟინერ-გეოლოგი; 1999-2006წწ. ქ. თბილისის მერიისა და საკრებულოს აპარატის საჯარო მოხელე; "მოდის, დიზაინისა და მართვის ინსტიტუტის" პედაგოგი (2005); 2001 წელს მონაწილეობდა კარლ დუისბურგის სახელობის ორგანიზაციის სასწავლო პროცესში; 2006 წლიდან ქ. თბილისის მუნიციპალიტეტის საკრებულოს აპარატის საჯარო მოხელეა; 2021 წლიდან პროფესიული კოლეჯის "მერმისის" პედაგოგი; აქვს რამდენიმე სერტიფიკატი, მათ შორის საარჩევნო ადმინისტრაციის მოხელისა და საარჩევნო მენეჯერების აკადემიის; პროექტებში - "საჯარო მოხელე კორუფციის წინააღმდეგ" -  მონაწილეობისთვის დაჯილდოვდა სტიპენდიით; გამოქვეყნებული აქვს სამეცნიერო სტატიები ჟურნალებში: "დემოკრატიული რეფორმა დემოკრატიულ სახელმწიფოში" (განათლება = Ganatleba : ყოველკვარტალური რეფერირებადი და რეცენზირებადი სამეცნიერო ჟურნალი / საქართველოს ტექნიკური უნივერსიტეტი.-თბილისი, 2021.-N2(33).-გვ.253-255), "საარჩევნო ადმინისტრაცია და არჩევნების მართვა გერმანიაში, ზაარბრუკენის მაგალითზე" (ხელისუფლება და საზოგადოება = Authoriti and society = Bласть и общество : ისტორია, თეორია, პრაქტიკა : ღია დიპლომატიის ასოციაციის სამეცნიერო ჟურნალი / საქართველოს ტექნიკური უნივერსიტეტის სახელმწიფო მართვის კათედრა.-თბილისი, 2019.-N 3(51).-გვ.26-35), "საჯარო სამსახური მოკლე ისტორიული რაკურსი და ახალი კანონის მნიშვნელოვანი ასპექტი" (ხელისუფლება და საზოგადოება = Authoriti and society = Bласть и общество : სამეცნიერო ჟურნალი : ისტორია, თეორია, პრაქტიკა : ღია დიპლომატიის ასოციაციის სამეცნიერო ჟურნალი / საქართველოს ტექნიკური უნივერსიტეტის სახელმწიფო მართვის კათედრა.-თბილისი, 2019.-N1(49), ტომი II.-გვ.49-62).

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.113

• ბერლინის ქართული საზოგადოება, წევრი (1992-)
• ევროპასთან თანამშრომლობის საზოგადოება, თავმჯდომარე (2004-)