შალვა ქსნის ერისთავი

შალვა ქსნის ერისთავი - ქსნის საერისთაოს ერისთავი, 1659 წლის კახეთის აჯანყების ერთ-ერთი მეთაური. აჯანყების ჩაქრობის შემდეგ, ქვეყნისთვის მტრის ახალი შემოსევა რომ აეცილებინა, შალვა ქსნის ერისთავი, ბიძინა ჩოლოყაშვილთან  და ელიზბარ ჩოლოყაშვილთან ერთად სპარსეთის შაჰს ეახლა. შაჰმა ისინი განჯის ხანს გადასცა, ხოლო განჯის ხანმა კი იმ თურქმენულ ტომებს, რომლებიც კახეთის აჯანყების დროს ამოწყვიტეს. ქართველი გმირები წამებით დახოცეს. ქართულმა ეკლესიამ ისინი წმინდანებად შერაცხა. შალვა ქსნის ერისთავი დაკრძალულია ქსნის ერისთავთა საგვარეულო სამარხში - იკორთის მონასტერში.

წყარო:  ქართული საბჭოთა ენციკლოპედია, ტ. 10. -თბ., 1986. -გვ. 677