გურამ ქანდარია

დაბადების ადგილი: სოფელი პირველი მაისი, ხობის რაიონი.

დაამთავრა ფოთის ჰიდრომელიორაციული ტექნიკუმი 1964 წელს; საქართველოს პოლიტექნიკური ინსტიტუტის სამშენებლო ფაკულტეტი 1970 წელს.

მუშაობდა საპროექტო ინსტიტუტ "საქსახწყალპროექტში" ინჟინრად; 1981 წელს ინსტიტუტის ქ. ფოთის ფილიალის კოლხეთის საპროექტო განყოფილების უფროსად გადაიყვანეს; უშუალოდ მონაწილეობდა კოლხეთის დაბლობზე სადრენაჟო სისტემების ტექნიკურ-ეკონომიკურად დასაბუთებული მუშა პროექტის მომზადებაში; ამ საკითხებზე გარკვეული ტექნიკური წინადადებებიც ჰქონდა შემუშავებული; 1994 წელს დაინიშნა ქ. ფოთის საპროექტო ორგანიზაციის "ქალაქპროექტის" დირექტორად; დიდი ღვაწლი მიუძღვის ქ. ფოთის კომპლექსის განაშენიანებისა და საქალაქო ინფრასტრუქტურის განვითარების საქმეში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.556