თამაზ ქაჯაია

დაბადების ადგილი: სოფელი როკითი, ბაღდათის რაიონი.

დაამთავრა საქართველოს პოლიტექნიკური ინსტიტუტის ქუთაისის ფილიალის სამშენებლო ფაკულტეტი 1970 წელს.

ინსტიტუტის დამთავრების შემდეგ საცხოვრებლად გადავიდა ტაშკენტში (უზბეკეთის სსრ); 1970-1975წწ. მუშაობდა საკავშირო სატრანსპორტო მშენებლობის სამინისტროს სამშენებლო ტრესტ "სრედაზტრანსსტროის" ("შუააზიატრანსმშენის") N209 სამშენებლო სამმართველოს ოსტატად, სამუშაოთა მწარმოებლად; 1975-1979წწ. ამავე ტრესტის N194 სამშენებლო-სამონტაჟო მატარებლის მთავარ ინჟინრად; 1979-1993წწ. N623 სამშენებლო-სამონტაჟო მატარებლის უფროსად; 1994-1999წწ. ხელმძრვანელობდა სამშენებლო ტრესტ "სრედაზტრანსსტროის" და 1999-2003წწ. ამავე ტრესტის N623 სამშენებლო-სამონტაჟო მატარებელს; 2003-2008წწ. საწარმოო ტრესტ "ტაშვოდოკანალის" (ტაშკენტწყალკანალის) სარემონტო-სამშენებლო სამმართველოს. მიღებული აქვს სსრკ სახალხო მეურნეობის მიღწევათა გამოფენის ოქროს მედალი ტაშკენტის აეროვაგზლის კომპლექსის მშენებლობისთვის, უზბეკეთის "საპატიო რკინიგზელის" წოდება, სსრკ საპატიო სატრანსპორტო მშენებელის წოდება.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.561-562