ლეონიდე ქვარცხავა

დაბადების ადგილი: ქ. ზუგდიდი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1948 წელს.

მუშაობდა საკავშირო დაქვემდებარების სატრანსპორტო მშენებლობის სახელმწიფო საპროექტო ინსტიტუტ "კავსახტრანსპროექტში" ინჟინრად, უფროს ინჟინრად, პროექტის მთავარ ინჟინრად და უფროსის მოადგილედ; 1973-1992წწ. - ინსტიტუტის დირექტორად; მისი ხელმძღვანელობითა და მონაწილეობით დაპროექტდა და აშენდა "კრასნოდარ-ტუაფსეს", "ბატაისკ-სტარომინსკაიას", "იჯევან-რაზდანის", "მარაბდა-ახალქალაქის", "ევლახ-ბელაქანის", "ზუგდიდ-ჯვარის" ელექტროფიცირებული ახალი სარკინიგზო ხაზები; მეორე ლიანდაგები სურამის უღელტეხილსა და "თბილისი-სამტრედიის" უბნებზე; შესრულდა კავკასიის სარკინიგზო ხაზების, სადგურებისა და კვანძების ელექტროფიკაცია-მოდერნიზაციის ურთულესი პროექტები, ასევე - მეწყერსაწინააღმდეგო და ნაპირგამაგრებითი პროექტები (შავი ზღვის სანაპიროსა და "ტუაფსე-ადლერისა" და "ადლერ-ბათუმის" უბნებზე); დიდი წვლილი აქვს შეტანილი თბილისის მეტროპოლიტენის მთელი კომპლექსის დაპროექტებაში.  არის ტრანსპორტის საპატიო მშენებელი, დაჯილდოებულია საქართველოს უმაღლესი საბჭოს პრეზიდიუმის საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.567-568

• საპატიო ნიშნის ორდენი
• ხალხთა მეგობრობის ორდენი
• შრომის წითელი დროშის ორდენი
• საქართველოს დამსახურებული ინჟინერი