ნუგზარ ყურაშვილი

დაამთავრა შოთა რუსთაველის სახელობის თეატრალური ინსტიტუტის სამსახიობო ფაკულტეტი 1972 წელს.

1972-1980წწ. მოღვაწეობდა სოხუმის კონსტანტინე გამსახურდიას სახელობის თეატრში. 1980 წლიდან ახმეტელის სახელობის თეატრის მსახიობია. 1985-1987წწ. გამოდიოდა "მეტეხის თეატრის" სცენაზე. მუშაობს კინოში, მთავარი და ეპიზოდური როლები შეასრულა ფილმებში: "ძმა" (თ. ბაბლუანი, 1981), "სერაფიტა" (. ხონელიძე, 1981, მირიანი), "წიგნი ფიცისა" (გ. ლორთქიფანიძე, 1983, დავით ვეზირი), "ზღვის მაშვრალნი" (ე. სეშანი, გ. გაბესკირია, 1986, რანტენი), "ფესვები" (ყ. მგელაძე, 1987, ანრი), "ვამეხი მოდის" (ო. ლითანიშვილი, ო. შამათავა, 1987, ზორბეგი), "გამოცხადება" (გ. მატარაძე, 1988, შავდია), "ცხოვრება დონ კიხოტისა და სანჩოსი" (რ. ჩხეიძე, 1989, ლომების მომთვინიერებელი), "ჩაკლული სული" (ყ. მგელაძე, 1994, სუკის თავმჯდომარე), "ატრაქციონი" (ო. შამათავა, 1995, გურამი), "ჟამი" (ზ. ილურიძე, 1996, ხეცინა) და სხვ. მონაწილეობს ტელესერიალებში. თეატრისა და კინოს მსახიობი.

წყარო: ქართული კინო, 1896-2011.- თბ., 2011.- გვ. 187; ნ. დუმბაძის სახელობის მოზარდ მაყურებელთა თეატრის ვებგვერდი: mozardi.ge; ეროვნული ფილმოგრაფიის პორტალი: geocinema.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.303

• საქართველოს კინემატოგრაფისტთა შემოქმედებითი კავშირი, წევრი

• 1999 - ღირსების ორდენი
  ქართული თეატრალური ხელოვნების განვითარებასა და მის პოპულარიზაციაში შეტანილი პირადი წვლილისა და ნაყოფიერი შემოქმედებითი მოღვაწეობისათვის
• 1992 - საქართველოს სახელმწიფო პრემია