კობა შუბლაძე

დაბადების ადგილი: ქ. ფოთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1959 წელს.

მუშაობდა სამშენებლო-სამონტაჟო ტრესტ "კავკასელექტროქსელმშენის" N54 მექანიზებულ კოლონაში; გაიარა თითქმის ყველა სამსახურებრივი საფეხური ოსტატიდან კოლონის უფროსობამდე; ხელმძღვანელობდა იმავე ტრესტის თბილისის სამშენებლო-სამონტაჟო სამმართველოს და "საქმთავარენერგოს" მცირე ჰესების ახალშექმნილ სამმართველოს; მონაწილეობდა "სტავროპოლსკაიას", "ტიხორეცკაიას", "პროხლადნაიას" (რუსეთი), "აფშერონის" (აზერბაიჯანი), "მარაშის" (სომხეთი), რუსთავის და მცირე ნავთლუღის ელექტროქვესადგურების, "ჩხოროწყუჰესის", "დმანისჰესის", "დურიფშჰესის", "არხოტჰესის", ასევე ჩრდილოეთ კავკასიის რეგიონის ქვესადგურების: "ნივინომინსკაიას", "ალაგირის", "ვლადიკავკაზ-2"-ს მშენებლობაში; ხელმძღვანელობდა მესტიის მხარეთმცოდნეობის მუზეუმის უნიკალური შენობის, თბილისის მიწისქვეშა გადასასვლელების (ი. ჭავჭავაძის პროსპექტსა და კოლმეურნეობის მოედანზე), გაგრის მიწისქვეშა გადასასვლელისა და სანატორიუმ "თბილისის" კომპლექსური სამკურნალო-სამედიცინო კორპუსის მშენებლობას; არის ჩრდილო ოსეთის საპატიო ენერგეტიკოსი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.621-622

• სამკერდე ნიშანი "ელექტრიფიკაციისა და ენერგეტიკის ფრიადოსანი"
• მედალი "შრომითი მამაცობისთვის"
• საპატიო ნიშნის ორდენი