ალექსანდრე ჩიტაიშვილი

დაბადების ადგილი: ქ. ოზურგეთი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1931 წელს.

1928-1936წწ. მუშაობდა თბილისის საქალაქო საბჭოს აღმასკომის სისტემაში სამუშაოთა მწარმოებლად, საქართველოს პოლიტექნიკურ ინსტიტუტში - პედაგოგად; 1936-1940წწ. მტკვრის სანაპიროების სამშენებლო ორგანიზაციის ხელმძღვანელად და მთავარ ინჟინრად; 1940-1943წწ. თბილისის საქალაქო საბჭოს აღმასკომის სამშენებლო ტრესტ "ინჟმშენის" და "თბილმშენის" მმართველის მოადგილედ, მთავარ ინჟინრად; 1943-1944წწ. თბილისის საქალაქო საბჭოს აღმასკომის მთავარ ინჟინრად და კომუნალური მეურნეობის განყოფილების გამგედ; 1944-1945წწ. იყო თბილისის საქალაქო საბჭოს კალინინის რაისაბჭოს აღმასკომის თავმჯდომარე; 1945-1951წწ. თბილისის საქალაქო საბჭოს აღმასკომის თავმჯდომარის პირველი მოადგილე; 1951-1957წწ. სამშენებლო ტრესტების - "თბილმშენისა" და 1957-1961წწ. "თბილგაზმშენის" მმართველი; 1961-1972წწ. საქართველოს მშენებლობის სამინისტროს სამშენებლო ტრესტ "თბილმრეწვმშენის" მთავარი ინჟინერი; ხელმძღვანელობდა თბილისის რძის ქარხნის, ბარათაშვილის აღმართის, თბილისის არაერთი საზოგადოებრივი დანიშნულების შენობის, საცხოვრებელი სახლების, საინჟინრო კომუნიკაციების მშენებლობას; დაჯილდოებული იყო სახელმწიფო ორდენებითა და მედლებით, საქართველოს უმაღლესი საბჭოსა და სსრკ მშენებლობის საქმეთა სახელმწიფო კომიტეტის ("სახმშენის") სიგელებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.637-638

• საქართველოს დამსახურებული ინჟინერი