ტარიელ ჩიჩუა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1950 წელს.

1950-1953წწ. მუშაობდა რუსთავის მეტალურგიული ქარხნის მშენებლობაზე სამუშაოთა მწარმოებლად; 1953-1960წწ. საქართველოს მშენებლობის სამინისტროს N8 სამშენებლო ტრესტისა და 1960-1962წწ. ამავე სამინისტროს ბიჭვინთის სპეც. სამშენებლო სამმართველოს უფროსად; 1962-1969წწ. იყო საქართველოს სახალხო კონტროლის და 1969-1987წწ. საქართველოს სახელმწიფო საგეგმო კომიტეტის განყოფილების გამგე; 1987-1995წწ. კომერციული ბანკის მმართველი. მიღებული აქვს საქართველოს უმაღლესი საბჭოს პრეზიდიუმის საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.642

• შრომის ვეტერანის მედალი
• საქართველოს დამსახურებული ინჟინერი