გიორგი ცანავა

დაბადების ადგილი: ქ. ზუგდიდი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1942 წელს.

1942-1954წწ. მუშაობდა ამიერკავკასიის რკინიგზის სოხუმის დისტანციის "სამტრედია-ტუაფსეს" მონაკვეთზე, საქართველოს ტერიტორიის ფარგლებში რკინიგზის ხიდებისა და გვირაბების მშენებლობაზე ოსტატად, სამუშაოთა მწარმოებლად, დამოუკიდებელი პროფკავშირების თავმჯდომარედ; 1954-1961წწ. იყო საქართველოს მშენებლობის სამინისტროს N6 სამშენებლო ტრესტის N1 სამშენებლო სამმართველოს უფროსი; 1961-1978წწ. აფხაზეთის ასსრ სახალხო კონტროლის თავმჯდომარის მოადგილე; ხელმძღვანელობდა მრავალსართულიანი საცხოვრებელი სახლების, სკოლების, საავადმყოფოების, სასტუმროების, თეატრების მშენებლობას აფხაზეთის ავტონომიური რესპუბლიკის ტერიტორიაზე; მიღებული ჰქონდა სახელმწიფო ორდენები და მედლები; 1993 წლის 2 ოქტომბერს დახვრიტეს აფხაზმა სეპარატისტებმა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.661

• აფხაზეთის დამსახურებული ინჟინერი
• საქართველოს დამსახურებული ინჟინერი