ზურაბ კერვალიშვილი

დაბადების ადგილი: სოფელი სორი, ონის რაიონი.

დაამთავრა საქართველოს პოლიტექნიკური ინსტიტუტის ქიმიურ-ტექნოლოგიური ფაკულტეტი ორგანული სინთეზის სპეციალობით 1961 წელს.

1961 წლიდან მუშაობდა რუსთავის საწარმოო გაერთიანება "აზოტში" სხვადასხვა თანამდებობაზე, ჯერ ცვლის უფროსად, შემდეგ საამქროს ტექნოლოგად, საამქროს უფროსად, ქარხნის მთავარ ინჟინრად, გენერალურ დირექტორად. 1992-1995 წლებში იყო საქართველოს რესპუბლიკის პრემიერ-მინისტრის მოადგილე, 1996 წლიდან - შპს "რიცეულაჰესის" დირექტორი. ტექნიკის მეცნიერებათა კანდიდატი, პროფესორი, საბჭოთა კავშირისა და საქართველოს დამსახურებული ქიმიკოსი. მიღებული აქვს სსრკ მინისტრთა საბჭოს სიგელი "აღმოსავლეთ ევროპის ქვეყნებს შორის საუკეთესო დირექტორის ოქროს მედალით".

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.24; საქართველო: ენციკლოპედია: ტ. IV. -თბ., 2018.-გვ. 630

• საქართველოს ბიზნესის მეცნიერებათა აკადემია, აკადემიკოსი
• საქართველოს საინჟინრო აკადემია, აკადემიკოსი

• საქართველოს სახელმწიფო პრემია, მეცნიერებისა და ტექნიკის დარგში