გრიგოლ ცინცაბაძე

დაამთავრა ლენინგრადის სატყეო-ტექნიკური აკადემია 1942 წელს; ამავე აკადემიის ასპირანტურა.

1942-1945წწ. მუშაობდა სოხუმის სამშენებლო ტრესტის მთავარ ინჟინრად; 1945-1952წწ. აფხაზეთის ასსრ მინისტრთა საბჭოს სახელმწიფო საგეგმო კომიტეტის მრეწველობისა და ტრანსპორტის განყოფილების გამგისა და საგეგმო კომიტეტის თავმჯდომარის მოადგილედ, საოლქო კომიტეტის მეორე მდივნად; 1952-1953წწ. იყო საქართველოს კომპარტიის აჭარის საოლქო კომიტეტის პირველი მდივანი; 1953-1965წწ. საქართველოს საშენ მასალათა ტრესტის მმართველი; 1965 წელს დაინიშნა საქართველოს კვების მრეწველობის მინისტრად; უდიდესი წვლილი აქვს შეტანილი აფხაზეთისა და აჭარის ასს რესპუბლიკების სამშენებლო ბაზის შექმნასა და განვითარებაში, საქართველოში კვების მრეწველობისობიექტების მშენებლობაში; იყო შავიზღვისპირეთის რეკონსტრუქციის პროექტის ავტორი, რომელიც მოწონებულ იქნა საბჭოთა კავშირის მინისტრთა საბჭოს ხელმძღვანელობის მიერ; მისი პროექტებით აშენდა (თბილისში) საქართველოს კვების მრეწველობის სამინისტროს ადმინისტრაციული შენობა ე. წ. "საქჩაის" სახლი, ქართული კერამიკის მატერიალური ბაზა-კომბინატი და სხვა ობიექტები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.668

• საპატიო ნიშნის ორდენი
• საქართველოს დამსახურებული ინჟინერი