დავით მეტრეველი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1970 წელს. 

1970-1976წწ. იყო რკინიგზის საავადმყოფოს თერაპიული განყოფილების ექიმი-ორდინატორი; 1971-1976წწ. პირველი კლინიკის საავადმყოფოს ენდოკრინოლოგიური განყოფილების ექიმი; 1976-1986წწ. ექიმთა დახელოვნების ინსტიტუტის ენდოკრინოლოგიის კათედრის ასისტენტი; 1986-2006წწ. ამავე ინსტიტუტის კათედრის გამგე. 2006 წლიდან არის თბილისის სახელმწიფო სამედიცინო ინსტიტუტის ასოცირებული პროფესორი. 1984 წლიდან არის მედიცინის მეცნიერებათა კანდიდატი, პროფესორი. საქართველოს შრომის, ჯანმრთელობისა და სოციალური დაცვის სამინისტროს ექსპერტი – ენდოკრინოლოგი. იგი არის საქართველოს, ევროპისა და მსოფლიოს ენდოკრინოლოგიური პროფილის მრავალი სამეცნიერო ასოციაციის წევრი და სისტემატურად მონაწილეობს თავისი დარგის მეცნიერთა უმაღლესი დონის შეხვედრებში. არის 1 მონოგრაფიის, 2 მეთოდ-რეკომენდაციის  და 100-მდე სამეცნიერო ნაშრომის ავტორი. მიღებული აქვს მედალი შავი ზღვის ქვეყნებში დიაბეტოლოგიის განვითარებაში შეტანილი წვლილისათვის (2000). ექიმი ენდოკრინოლოგი.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.332; მედპორტალი: medportal.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.

• დიაბეტის ინტერნაციონალური საზოგადოება, წევრი (2001-)
• ევროპის ენდოკრინოლოგთა საზოგადოება, წევრი (2005-)
• საქართველოს ენდოკრინოლოგიის საზოგადოება, ვიცე-პრეზიდენტი (2000-)
• საქართველოს სახელმწიფო სამედიცინო აკადემიის საბჭო, წევრი (1986-)

• 1998 - ღირსების ორდენი
  მოსახლეობის ჯანმრთელობის დაცვაში შეტანილი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისა და ნაყოფიერი მოღვაწეობისათვის