გიორგი მირზაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის ფერწერის ფაკულტეტი 1984 წელს. 

1987-1990წწ. სწავლობდა უჩა ჯაფარიძის სახელობის ფერწერის შემოქმედებით სახელოსნოში. 1986-1987წწ. იყო მანავის საშუალო სკოლის ხატვის პედაგოგი. მუშაობდა ე. ახვლედიანის სახელობის ბავშვთა შემოქმედებით მუზეუმში. 1975 წლიდან მონაწილეობს გამოფენებში საქართველოში და მის საზღვრებს გარეთ. არის ავტორი ნამუშევრებისა: "ქარი" (1994). "ნატურმორტი ყავის საფქვავით" (1986), "ლურჯი ნატურმორტი" (1974), "თათია პაჭკორია' (1989), "ელენე გედევანიშვილი" (1985), "კახა თოლორდავა" (1985). კოლაჟი "ნიკალა" (1998), "მოღალატე" (1998), "გედი" (1998), "მარქსი, ნაპოლეონი, ჰიტლერი, სტალინი" (1998). გამართული აქვს პერსონალური გამოფენები: მხატვრის სახლი (1987), გალერეა "ვერნისაჟი" (თბილისი, 1998, 1999); მიღებული აქვს მონაწილეობა გამოფენებში: შემოქმედებითი სახელოსნოების საკავშირო (1990), ფაშიზმზე გამარჯვების 40 წლისთავისადმი მიძღვნილი, საქართველოს ეროვნული გალერეა (1985), საკავშირო, რესპუბლიკის საგაზაფხულო და საშემოდგომო (1984), "ადამიანი, ოჯახი, გარემო", აშშ 6 ქალაქი (1994), საქართველოს ეროვნული გალერე (1997). მისი ნამუშევრები დაცულია ჯი-ემ-თი ჯგუფის კოლექციაში (სასტუმრო თბილისი მარიოტი და სასტუმრო ქორთიარდ მარიოტი) ასევე კერძო კოლექციებში: საქართველოში, გერმანიაში, საფრანგეთში, ნორვეგიაში, ჰოლანდიაში, აშშ-სა და ავსტრიაში.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.338; სიესტა: siestabooks.blogspot.com;  ხელოვნების მუზეუმის ახალი კოლექცია, 2021-2022 = New collection of the Museum of Fine Arts / რედაქტორ-შემდგენელი ალექსანდრა გაბუნია. -თბ., 2022.- გვ. 128-129

• საახალწლო : ლექსები (Author). - თბილისი, სიესტა, 2013. - 19გვ.. - ISBN: 9789941443398
• წარმტაცი ქალაქი : ლექსები (Author). - თბილისი, სიესტა, 2009. - 72გვ.. - ISBN: 978-9941-9071-2-8
• "ფრაგმენტები სურათისათვის" : ლექსები (Author). - თბილისი, 2003. - 24გვ.