მიხეილ წიკლაური

დაბადების ადგილი: ქ. მცხეთა.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1952 წელს.

1952-1984წწ. მუშაობდა საქართველოს მელიორაციისა და წყალთა მეურნეობის სამინისტროს სისტემაში; 1972 წლიდან იყო საქართველოს მელიორაციისა და წყალთა მეურნეობის სამინისტროს მშენებლობის მთავარი სამმართველოს უფროსი და კოლეგიის წევრი; 1976-1984წწ. იყო წყალ-სამეურნეო ობიექტების მშენებლობის საკავშირო დაქვემდებარების მთავარი სამშენებლო სამმართველოს "საქმთავარწყალმშენის" უფროსის პირველი მოადგილე; 1984-1990წწ. საქართველოს კომპარტიის ცენტრალურ კომიტეტში ხელმძღვანელობდა მელიორაციისა და წყალთა მეურნეობის განყოფილებას; 1990-1993წწ. მუშაობდა საქართველოს საკოლმეურნეობათაშორისო მშენებლობის საბჭოს თავმჯდომარედ; მონაწილეობდა და ხელმძღვანელობდა ქვემო და ზემო სამგორის, ზემო ალაზნის, "ტბისი-კუმისის", "თეზი-ოკამის", ზემო ხაშურის, ტაშისკარის, მალხაზის წვერის სარწყავი სისტემების, კოლხეთის დაბლობის დაშრობის ნაგებობების, ალგეთის, ასურეთის, ზონკარის წყალსაცავების, სამოქალაქო და სამრეწველო ობიექტების მშენებლობებს; არის საირიგაციო სისტემების ანაკრები რკინაბეტონის ღარული სარწყავი არხების ტიპობრივი პროექტირების, შემდეგ კი პრაქტიკაში დანერგვის ინიციატორი და მონაწილე; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.685

• საქართველოს დამსახურებული ინჟინერი